1 يوحنا 2:24 - ثريفيث 2020

²⁴ إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

1 يوحنا 2:24 Referans Kwoze

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

1 يوحنا 4:13

مَامّش غَا نݣّ نشِّين أَ نسّن بلِّي نتْعِيش ذَايس، نتَّا يزدّغ ذَايْنغ؟ لِأَنَّا يُوْشَا-ٱنغ زِي أَرُّوْح نّس.

1 يوحنا 4:16

أَمُّو إِي د نُوْوض أَ نسّن ڒمْحِبّث ن أَربِّـي أَ نَامن زِي ثنِّي إِي ذَانغ د يُوْشَا إِ نشِّين. أَربِّـي ذ ڒمْحِبّث إِݣ يدْجَا. ونِّي يقِّيمن ذِي ڒمْحِبّث نتَّا يقِّيم ذِي أَربِّـي، أَربِّـي يقِّيم ذَايس.

لواحي ن يوحنا 3:3

عْقڒ خ تَّعْلِيم إِي ثْقبْڒذ وَامِي ذَاس ثسْڒِيذ. خْذم زِّايس، تُوْب. مڒَا وَار ثدْجِيذ شَا عْلَابَال، نش اَغَارك د اَسغ اَم يِج وشفَّار وَار ثسِّينذ شَا مَان ثْسَاعَّات إِي د غَا اَسغ.

1 يوحنا 2:7

آي يمْعِيزّن ينُو، وَار ذَاوم د تَارِيغ شَا يجّن ن ڒُوْصِيّث ذ جْذِيذ؛ لَّا، نتَّاث ذ يجّن ن ڒُوْصِيّث ذ ثَقْذِينْت تُوْغَا ثدْجَا غَارْوم زݣ ومزْوَارُو. ڒُوْصِيّث-أَ ثَقْذِينْت نتَّاث ذ اَوَاڒ نِّي إِي تُوْغَا ثسْڒِيم.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

لواحي ن يوحنا 3:11

أَقَا ؤُسِيغ-د وَار تْعطَّاڒغ شَا. طّف ذِي لْإِيْمَان نّش حمَا وَار د يتِيس حَدّ اَش ييْسِي تَّاج نّش.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

أيث-فيليـپـي 4:15

آ أَيث-فِيلِيـپِّـي، وَامِي فّْغغ نش زِي لْإِقْلِيم ن مَسِيدُوْنْيَا ثسّْنم قَا ذ كنِّيو وَاهَا زِي مَارَّا ثِجُمَاع ن ڒْمُوْمِنِين إِي كِذِي يشَرْشن ذِي لْمُعَاوَنَا. مَانَاينِّي يوْقع وَامِي يَالَّاه بْذِيغ تْبشَّارغ س لْإِنْجِيل ذِي جْوَايه نِّي.

3 يوحنا 1:3

مِينْزِي نش فَرْحغ اَطَّاس وَامِي د ؤُسِين ڒبْعَاض ن وَاوْمَاثن شهْذن خَاك خ لْحَقِيقَا إِي ذَايش ذ مَامّش شك عَاذ ثݣُّوْرذ نِيْشَان ذِي لْحَقِيقَا.

2 يوحنا 1:2

مَانَايَا عْلَاحْسَاب لْحَقِيقَا إِݣ يزدّْغن ذَايْنغ اَذ تِيڒِي اَكِذْنغ إِ ڒبْدَا.

يعيبرانيين 2:1

خ مَانَايَا لَابُد أَ د نَارّ ڒْبَاڒ نّغ إِ مِين نتْسْڒَا بَاش وَار نْتفّغ شَا اَبْرِيذ.

يوحنا 8:25

نَّان-اَس: "مِين ثعْنِيذ؟" ينَّا-ٱسن عِيْسَى: "نش ذ ونِّي مِيخف ذَاوم سَّاوَاڒغ زݣ ومزْوَارُو.

لوقا 1:2

ؤُرِين نِيشَان عْلَاحْسَاب مَامْش ذَانغ خْبَرن ڒشْهُوْذ ذ يخدَّامن ن وَاوَاڒ ن أَربِّـي يدْجَان ذݣ ومزْوَارُو.

لوقا 9:44

"صنّْطث مْلِيح إِ وَاوَاڒ-أَ إِي ذَاوم غَا ينِيغ: مِّيس ن بْنَاذم عْڒَاين اَذ يتْوَاسلّم غَار يفَاسّن ن يِوْذَان."

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 4:15

ونِّي غَا يشهْذن عِيْسَى ذ مِّيس ن أَربِّـي، أَتَاف أَربِّـي يقِّيم ذَايس اَتَاف نتَّا يقِّيم ذِي أَربِّـي.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.