1 يوحنا 2:18 - ثريفيث 2020

¹⁸ آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

1 يوحنا 2:18 Referans Kwoze

1 يوحنا 4:3

أَرُّوْح نِّي وَار يشهّْذن شَا خ عِيْسَى اَتَاف وَار د يُوْسِي شَا زِي أَربِّـي. أَرُّوْح-أَ نتَّا ذ اَرُّوْح ن دّجَّال إِي خف ثسْڒِيم كنِّيو نتَّا يتَاس-د، ڒخُّو عَاوذ اَقَاث ذَا ذِي دُّنشْت-أَ.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.

1 يوحنا 2:22

مِين يعْنَا ونِّي إِي يسْخَرِّيقن إِلَّا ونِّي ينكَّرن بلِّي عِيْسَى ذ لْمَسِيح؟ نتَّا ذ دّجَّال يعْنِي ونِّي إِي ينكَّرن بَابَاثْنغ ذ مِّيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:5

أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! أَذ خذْعن اَطَّاس ن يِوْذَان.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

مرقس 13:6

أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! أَذ خذْعن اَطَّاس ن يِوْذَان.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:11

أَذ د مظْهَارن اَطَّاس ن يِوْذَان اَذ اَرّن يخف نْسن ذ لْأَنْبِيَا، أَذ خذْعن اَطَّاس ن يِوْذَان.

ثبرات زي يهوذا 1:18

نَّان-اَوم: "ذِي ڒِيَّام نِّي ينݣُّوْرَا اَذ يڒِين مُجُوْدِين يِنِّي يذحّْشن خ يِوْذَان، ذفَّارن شّهَاوَاث نْسن ثِعفَّانِين وَاهَا."

2 بطرس 3:3

مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

1 بطرس 1:5

عْلَاحْسَاب لْإِيمَان نْوم أَربِّـي يحطَّا-كنِّيو س ثْزمَّار نّس غَار يِجّن ن وسنْجم إِݣ يسوْجذ نتَّا اَثِيذ يسْمظْهَار ذِي نْهَار اَنݣَّارُو.

يوحنا 21:5

ينَّا-ٱسن: "آي يحنْجِيرن، مَا ثيْمَارم شَان يسڒْمَان؟" نَّان-اَس: "لَّا، وَالُو."

أيث-روما 13:11

مَايمِّي مَانَايَا؟ كنِّيو ثسّْنم مَان ڒْوقْث إِي ذِي ندْجَا نشِّين. ثُوْوض-د ثْسَعَّات حمَا اَذ تْفَاقم زݣ يِيضص. لِأَنَّا ثْسَعَّات-أَ إِي ذِي غَا ننْجم ڒخُّو اَقَا ثْقَارّب-د كْتَار زِي ثنِّي إِي ذِي نُوْمن ذ اَمزْوَارُو.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.