1 أيث-كورينث 2:4 - ثريفيث 2020

⁴ مِين قَّارغ ذ مِين تْحدَّاثغ وَار يدْجِي شَا س وَاوَاڒن ن ڒفْهَامث بَاش اَكنِّيو سْقنْعن ذغْيَا؛ لَّا، سْخدَّامغ جّْهذ ن اَرُّوْح ن أَربِّـي

1 أيث-كورينث 2:4 Referans Kwoze

1 أيث-كورينث 4:20

لِأَنَّا ڒْمُلْك ن أَربِّـي وَار يدْجِي بُو ذݣ وَاوَاڒ؛ لَّا، أَقَاث ذِي جّْهذ.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 أيث-كورينث 1:17

لِأَنَّا لْمَسِيح وَار ذَايِي د يسّكّ شَا حمَا اَذ طهَّارغ إِ يِوْذَان س وَامَان؛ لَّا، نش يسّكّ-اَيِي-د اَذ بشَّرغ س لْإِنْجِيل وَلَكِن مَاشِي س ڒفْهَامث نِّي ن وَاوَاڒن يزوّْقن. مَايمِّي؟ بَاش جّْهذ إِي يدْجَان ذِي صَّلِيب ن لْمَسِيح وَار يتْبطِّيڒ شَا.

1 أيث-كورينث 2:1

آي اَيثْمَا، نش وَامِي د ؤُسِيغ غَارْوم، ؤُسِيغ-د اَذ بشَّرغ س ڒْمَعْنَا ينُوْفَّرن ن أَربِّـي، مَاشِي ؤُسِيغ-د اَذ بشَّرغ س وَاوَاڒن يزوّْقن نِغ س ڒفْهَامث نِّي ن بْنَاذم.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

2 بطرس 1:16

وَا شُوْف، نشِّين تُوْغَا وَار نْذفَّار شَا ثِحُوْجَا نِّي إِي تْوَاݣّنْت س ڒفْطَانث ن بْنَاذم وَامِي إِي كنِّيو نْسفْهَام خ جّْهذ نّس ذ نْهَار نِّي إِي ذِي د غَا يَاس سِيذِيثْنغ عِيْسَى لْمَسِيح؛ لَّا، نشِّين نࢲْرَا س ثِيطَّاوِين نّغ مشْحَاڒ ثمْغَر ثُوْعْڒَات نّس.

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

أيث-كولوس 2:4

قَّارغ-اَوم مَانَايَا بَاش وَار د يتِيس حَدّ اَكنِّيو يشْمث س وَاوَاڒ نّس اَذَاوم يسْنعْمِيڒ ذ صَّح.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

ڒخذايم 20:27

لِأَنَّا نش وَار زَّايْوم سْنُوْفَّرغ وَالُو زِي مَارَّا مِين ينوَّا أَربِّـي اَث يݣّ.

ڒخذايم 26:28

ينَّا-ٱس وزدْجِيذ أَغْرِيبَاس: "مَا س شْوَايْت ن ڒْوقْث ثَا شك ثنْوِيذ اَذَايِي ثَارّذ ذ اَمَسِيحِي؟"

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛