Zefaniya 3:8 - Bibliya Yera 1951 1967 (Burundi)

⁸ Nuko rero, ni mundorēre, ni k’Uhoraho agize, gushitsa ku musi nzohaguruka nja kunyaga: kuko nagabiye gukoraniriza amahanga hamwe, negeranye ibihugu, ngo mbasukek’ ubushangashirwe bganje, ni bgo burake bganje bgose bg’inkazi: kukw isi yose izotongōrwa n’umuriro w’ifūhe ryanje.

Zefaniya 3:8 Referans Kwoze

Yoweli 3:2

nzokoraniriza hamwe amahanga yose, mbamanukane mu kiyaya ca Yehoshafati; ni ho nzobavuganiriza, mbūrana abantu banje, ni bo shamvu yanje Abisirayeli, abo bāsābagirije mu mahanga, bakīgaburira igihugu canje.

Zefaniya 1:18

Nta feza zabo nta n’izahabu bizoshobora kubakiza ku musi w’uburake bg’Uhoraho; arikw isi yose izomarwa n’umuriro w’ifūhe ryiwe: kukw ababa kw isi bose azobaherengeteza rwose giturumbuka.

Mika 7:7

Ariko jeho nzohanga amaso Uhoraho; nzokwitega Imana y’ agakiza kanje: Imana yanje izonyumva.

Zaburi 27:14

Ni witege Uhoraho: Rema, umutima wawe uhūmure: Nuko, ni witege Uhoraho.

2 Petero 3:10

Arik’ umusi w’Umwami wacu uzoza nk’igisuma, ah’ amajuru azovaho, hakaba n’ukwasana guhambaye, ivy’ itanguriro vyose bigashongeshwa n’ikibengebenge gikaze, isi n’ibikorwa biri muri yo bigatongoka.

Ivyahishuwe 16:14

kukw izo ar’ impwemu z’abadayimoni, zikora ibimenyetso, zija ku bami bo mw isi yose, ngo zibakoranirize ku ntambara yo ku musi uhambaye w’Imana ishobora vyose.

Matayo 25:32

amahanga yose azokoranirizwa mu nyonga ziwe, na we azobarobanura, nk’uk’ umwungere arobanura intama mu mpene.

Habakuki 2:3

Kukw ivyerekanywe bifise igihe vyashingiwe, kandi vyihutira kugishikako, ntibizobesha; naho vyotebagana, ubirorēre, kuko bitazobura kuza, ntibizoteba.

Hoseya 12:6

Nuko rero, hindukirira Imana yawe: gumya imbabazi n’ibiroranye, kandi wame urorēra Imana yawe udahengeshanya.

Yesaya 30:18

Ni kubg’ ivyo Uhoraho ashamaje kugira ngw abagirire ubuntu, kandi ni kubg’ ivyo azohaguruka kugira ngw abagirire ikigongwe, kuk’ Uhoraho ar’ Imana ica izibereye; hahirwa abashamaje bamwiteze bose.

Indirimbo ya Salomo 8:6

Nshira ku mutima wawe nk’ ikimenyetso, mbe nk’ikimenyetso ku kuboko kwawe: Kuk’ urukundo rufise inkomezi nk’urupfu, Ifuhe rinyinyaraye nk’i kuzimu; Ibirimi vyavyo ni nk’ibirimi vy’umuriro, N’urubeya rw’inkazi rw’ Uhoraho.

Imigani 20:22

Ntukavuge, uti Nzokwihōra ikibi nagiriwe: Ni witege Uhoraho, ni we azogukiza.

Zaburi 123:2

Nk’ukw amaso y’abashumba bayahanga ukuboko kwa shebuja, Kandi nk’ukw amaso y’incoreke iyahanga ukuboko kwa inabuja, Ni kw amaso yacu tuyahanga Uhoraho, Imana yacu, Gushitsa ah’ azotugirira ikigongwe.

Zaburi 62:5

Mutima wanje, uhwekere ku Mana yonyene, Kukw ari yo ivyizigiro vyanje vyandurukako.

Zaburi 62:1

Umutima wanje uhwekereye ku Mana yonyene: Ni yo agakiza kanje kandurukako.

Zaburi 37:34

Urorēre Uhoraho, ugumye inzira yiwe, Na we azogushira hejuru ng’ uragwe igihugu: Abanyakibi bazorandurwa ubirorēra.

Zaburi 37:7

Uhwekerere imbere y’Uhoraho, umurorēre wihanganye: Ntuhagarikwe umutima n’ ūguwe neza mu rugendo rwiwe, N’umuntu ashitsa imigabo mibi.

Zaburi 12:5

Kubgo kunyagwa kw’umugorwa, kubgo kwitsa umutima kw’umukene, Ubu nyene ndahaguruka, ni k’Uhoraho agize, Ndashira uwo bakanira ahatagira inkomanzi.

Ivyahishuwe 16:1

Numva ijwi rirenga rivuye muri rwa rusengero ribarira ba bamarayika ndwi, riti Ni mugende, musuke kw isi izo nzavya ndwi z’uburake bg’Imana.

Zaburi 79:5

Uhoraho we, uzogeza hehe kuraka ibihe vyose? Mbeg’ ifuhe ryawe rizokwama ryaka nk’umuriro?

Zaburi 79:6

Suka uburake bgawe ku mahanga atakuzi, No ku bgami bgose butambaza izina ryawe.

Yesaya 14:26

Iyo ni yo migabo yagīriwe isi yose, kand’ ukwo ni kwo kuboko kwābānguriwe amahanga yose.

Yeremiya 10:25

Rekurira uburake bgawe ku mahanga atakuzi, no ku miryango itambaza izina ryawe, kuko bātsontsomeye aba Yakobo, mbere barabatsontsomeye barabaherengeteza, bākomvomvoye aho bāba.

Hagayi 2:22

kandi nzokwubika ingoma z’abami, mpenebereze ububasha bg’ubgami bg’amahanga; nzokwubika imikogote y’intambara n’abayigenderamwo, kand’ amafarasi azogwaho, bo n’abayagenderako, umuntu wese agwe yishwe n’inkota ya mugenzi we.

Yesaya 34:2

Kuk’ Uhoraho ashangashiriwe amahanga yose, akaba arakiye ingabo zayo zose, arabagesheje rwose, arabagabuye ngo bicwe.

Yesaya 63:6

Nanyukuje amahanga uburake bganje, mbamenaguza ubushangashirwe bganje, mpondoganiriza amaraso yabo kw isi.