Zaburi 127:3 - Bibliya Yera 1951 1967 (Burundi)

³ Abana ni bo ngabire Uhoraho agaba, Imbuto zo mu nda ni zo mpēra atanga.

Zaburi 127:3 Referans Kwoze

Gusubira mu Vyagezwe 28:4

Uruvyaro rwo mu nda zanyu ruzohezagirwa, bo n’ imirima yo mu ndimiro zanyu, n’uruvyaro rw’amasho yanyu, inka zanyu zirondoke, bo n’imikuku yanyu.

1 Samweli 1:27

Uyu mwana ni we nasaba, kand’ Uhoraho yampaye ico namusavye.

Yesaya 8:18

Ehe twe n’abana Uhoraho yampaye tur’ abo kubera Abisirayeli ibimenyamenya n’ibitangaza biva k’Uhoraho Nyen’ ingabo aba ku musozi Siyoni.

Itanguriro 48:4

irambarira, it’ Ehe nzokurondora, nkugwize, nguhindure igugu ry’amahanga; kand’ iki gihugu nzogiha uruvyaro rwawe ruzogukurikira, kibe ishamvu yarwo ibihe vyose.

Itanguriro 33:5

Esau yunamura amaso, abona ba bagore n’abana, aramubaza, ati Barya muri kumwe n’aba hehe? Aramwishura, at’ Abo n’abana Imana yahereye ubuntu umusavyi wawe.

Itanguriro 1:28

Maz’ Imana irabahezagira, iti Ni murondoke, mugwire, mwuzure isi muyiganze; mugabe amafi yo mu kiyaga, n’ibiguruka mu kirere, n’ibifise ubugingo vyose bigendagenda kw isi.

Itanguriro 24:60

Bahezagira Rebeka, baramubgira, bat’ Ewe mushiki wacu, uz’ uvyare usasagare, ugire ibihumbi n’ibihumbi, kand’ uruvyaro rwawe ruze rwegukire amarembo y’abansi barwo.

1 Ivyo ku Ngoma 28:5

None mu bahungu banje bose (kandi muzi yuk’ Uhoraho yampaye benshi), yatoranijemw’ umuhungu wanje Salomo kuba ari we azovyagira ku ntebe y’ubgami bg’ Uhoraho, akaganza Abisirayeli.

Yesaya 13:18

Imiheto yabo izokenyagura imisore, kandi ntibazogirira akagongwe inda ikiri mu nda, n’ijisho ryabo ntirizobabarira abana bato.

Itanguriro 4:1

Kand’ uwo mugabo abana na Eva umugore wiwe; nukw asama inda, avyara Kayini, aravuga, ati Ndonse umuhungu kubg’ Uhoraho.

Gusubira mu Vyagezwe 28:11

Uhoraho azobasesekariza ivyiza, agwize uruvyaro rwo mu nda zanyu, n’urwo mu masho yanyu, n’ imirima yo mu ndimiro zanyu, mu gihugu yarahiye ba sogokuruza banyu kw azokibaha.

Abacamanza 12:9

Yar’ afise abahungu mirongwitatu n’abakobga mirongwitatu; abo bakobga abashingira mu yindi miryango, asabira abahungu biwe abageni mirongwitatu nyene bavuye mu yindi miryango. Amara imyaka ndwi acira imanza Abisirayeli.

2 Samweli 3:5

uwa gatandatu ni Itureyamu, uwo yavyaye ku wundi mugore wiwe yitwa Egila. Abo ni bo Dawidi yavyariye i Heburoni.

1 Ivyo ku Ngoma 8:40

Bene Ulamu bār’ abantu b’abahizi bazi kurasa; bāri bafise abahungu benshi n’abuzukuru benshi, bāshika kw ijana na mirongwitanu. Abo bose n’abandurutse kuri Benyamini.

Yobu 1:2

Yar’ afise abahungu ndwi n’abakobga batatu.