Zaburi 127:2 - Bibliya Yera 1951 1967 (Burundi)

² Bibaruhiriza ubusa kuzinduka kare, mugateba cane kuruhuka, Mukarya umutsima w’ubutame: Uwo akunda abimuhēra mw itiro.

Zaburi 127:2 Referans Kwoze

Umusiguzi 5:12

Agatiro k’umunyabikorwa kararyoha, n’iy’ ariye bike canke vyinshi: ariko gufunereza kw’umutunzi kumubuza gusinzira.

Zaburi 4:8

Nzokwama ndyama nsinzire ata co nicura, Kukw ari wewe wenyene, Uhoraho, umpa kuba amahoro.

Yobu 11:18

Kand’ uzoba amahoro, kuko harih’ ivyizigiro; Mber’ uzokenguza, wiruhukire ata nkomanzi.

Zaburi 3:5

Nararyama, ngasinzira, Nkīkangura, kuk’ Uhoraho ari we ampagarikiye.

Yeremiya 31:26

Bishitse aho ndikangura, nsanga itiro ryari rindyoheye.

EZEKIYELI 34:25

Kandi nzosezerana na zo isezerano ry’amahoro, kandi nzoherengeteza ibikōko vy’inkazi mu gihugu: maze zizokwibera amahoro mu gahinga, zīryamire mu mashamba.

Umusiguzi 1:14

Namaze kubona ibikorwa vyose bikorerwa musi y’izuba; nasanze vyose ar’ ubusa, ar’ uguhahamira umuyaga.

Umusiguzi 6:7

Ubutame bgose bg’umuntu buterwa n’inda yiwe, yamara ntashira umuryarya.

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Zaburi 60:5

Kirisha ukuboko kwawe kw’i buryo, unyishure, Kugira ngw abo ukunda barokorwe.

Imigani 10:22

Umugisha w’Uhoraho uratungisha, Kandi nta mubabaro awuvangamwo.