Yuda 1:16 - Bibliya Yera 1951 1967 (Burundi)

¹⁶ Abo n’abidodomba n’abanyamwikomo bagenda bakurikira ukwifuza kwabo, akanwa kabo kavuga amagambo atumbaganyemw’ ukwirarira, bubahira abantu kubakūramw’ amaronko.

Bibiliya mu Kirundi coroshe

¹⁶ Abo bantu ni abanyamwikomo bama bidodombera abandi; bakurikira ivyipfuzo vyabo bibi; barishira hejuru kandi bakoresha amajambo meza babesha abandi mu kurondera inyungu.

Yuda 1:16 Referans Kwoze

2 Petero 2:18

Bavuga ibitumbaganyemw’ ibitagira ico bimaze, basukasuka abariko baridohora mu bagenda bazimiye, babasukasukisha ukwifuza kw’umubiri n’isoni nke.

2 Petero 2:10

ariko cane‐cane abagenda bakurikira ivy’ akameremere kabo, bifuza ibihumanya bagakengera ababaganza. Nta co batinya, ntibakūrwa kw ijambo, ntibahindishwa agashitsi no gutuka abanyacubahiro:

Filipi 2:14

Mukore vyose ata kwidodomba, ata guhārīra,

1 Petero 4:2

kugira ngw amare imisi isigaye akiri mu mubiri atagikorera ivyifuzo vy’abantu, arikw akora ivy’ Imana igomba.

1 Timoteyo 6:5

n’ibihāri bidashira vy’abantu bononekaye ubgenge, bakūwekw ivy’ ukuri, bibgira yuko kwubaha Imana ar’ ukwironkera inyungu.

1 Korinto 10:10

Kandi ntimukidodombe, nk’uko bamwe bo muri ba bandi bidodomvye, bakamarwa n’umuranduzi.

Yuda 1:18

ko bābabgiye, bati Mu gihe c’iherezo hazoboneka abacokoranyi bagenda bakurikira ukwifuza kwabo kwo kutubaha Imana.

2 Petero 3:3

irya mbere mukwiye kumenya n’uko mu misi y’iherezo hazoza abacokoranyi bacokorana, bakurikira ukwifuza kwabo,

1 Petero 2:11

Abo nkunda, ndabinginga, ko mur’ inyambukīra n’ingenzi mwirinde ivyifuzo vy’umubiri birwanya ubugingo;

Zaburi 15:4

Mu maso yiwe igihumbu kirakēngēretse, Ariko yubaha abatinya Uhoraho; Ico yarahiye naho comugirira nabi, ntiyirahuruza.

Abalewi 19:15

Ntimuze mucishe urubanza aho rutari; ntimuze muce urwa nkunzi mubitewe no kugirira impuhwe umworo, canke no gutinya ūhambaye; ariko muze mucire bagenzi banyu imanza ziroranye.

Yuda 1:15

kugira ngw acire bose amateka, no kwemeza abatubaha Imana bose ko batsinzwe ku bikorwa vyose vyo kutubaha Imana bakoze batayubaha, n’amagambo yose akomeye abanyavyaha batubaha Imana bavuze bayirwanya.

1 Petero 1:14

Mumere nk’abana bagamburuka, ntimwishushanye n’ukwifuza kwanyu kwa kera kwo mu gihe c’ukutamenya kwanyu.

Galatiya 5:16

Ndavuga nti Mugendeshwe na Mpwemu, ni ho mutazoshitsa ivy’ akameremere kanyu kifuza.

Yohana 6:61

Yesu amenye mu mutima kw abigishwa biwe bidodomba ivyo, arababaza, ati Mbeg’ ivyo birabatsitaje?

Yesaya 29:24

Kandi n’abazimira mu mitima bazoca ubgenge, n’abidodomba bazokwemera kwigishwa.

Zaburi 17:10

Bugaye imitima yabo kugira ngw ikigongwe nticinjire, Akanwa kabo bakavugisha ubgibone.

Guharūra 16:11

Ereg’ Uhoraho ni we mugararije, mwe n’abo mufatanije bose: na we Aroni n’iki, aho mumwidodombera?

2 Timoteyo 4:3

Kukw igihe kizoza, batazokwemera kwumva ukwigisha kuzima; ariko kukw amatwi abarya yifuza kwumva ibibanezereza, bazokwirundaniriza abigisha bahūje n’ukwifuza kwabo,

1 Tesalonike 4:5

atari mu buryo bgo kwāngāza umutima mu vyifuzo, nk’ukw abanyamahanga batazi Imana bagira;

Galatiya 5:24

Kand’ aba Kristo Yesu bābambanye akameremere kabo n’ivyo gahahamiye n’ivyo kifuza.

Yohana 6:41

Bun’ Abayuda baramwidodombera, kuko yavuze, ati Ni jewe mutsima wamanutse uva mw ijuru.

Luka 19:7

Babibonye, bose baridodomba, bati Ko yinjiye kurārira umuntu w’umunyavyaha!

Luka 15:2

Abafarisayo n’abanyabgenge b’ivyanditswe barīdodomba, bat’ Uyo yiyegereza abanyavyaha, agasangira na bo.

Luka 5:30

Abafarisayo n’abanyabgenge b’ivyanditswe bafatanye na bo bidodombera abigishwa ba Yesu, bati N’iki gitumye musangira n’abatozakori n’abanyavyaha?

Imigani 28:21

Gutinya abantu ku kigohe si vyiza, Kandi si vyiza k’umuntu acumuzwa n’akamanyu k’ umutsima.

Zaburi 106:25

Ariko bidodombera mu mahema yabo, Ntibumvira Uhoraho.

Yobu 34:19

None ntibirushirije kuba ibitabereye kubibarira Īdatinya abaganwa ku kigohe, Ntikunde umutunzi kumurutisha umworo, Kuko bose ar’ igikorwa c’ intoke zayo?

Yobu 32:21

Muntunge, mvuge ntarobanuye abantu ku butoni; Sinogira umuntu n’umwe nohema.

Gusubira mu Vyagezwe 1:27

Mwidodombera mu mahema yanyu, mut’ Uhoraho kukw atwanka, ni co catumye adukūra mu gihugu ca Egiputa, ngw adutange mu maboko y’Abamori, baturandure.

Guharūra 14:36

Maze ba bagabo Mose yatuma gutata ico gihugu, bagarutse bakadonda inkuru z’agacavutu z’ico gihugu, bigatuma ishengero ryose rimwidodombera,

Guharūra 16:41

Bukeye bgaho, ishengero ryose ry’Abisirayeli ryidodombera Mose na Aroni, riti Ni mwebge mwishe abantu b’Uhoraho.

Zaburi 73:8

Baracokora, bakavugishwa ivy’ agahahazo n’ukugabitanya kwabo: Bavuga bīshize hejuru.