Yosuwa 3:1 - Bibliya Yera 1951 1967 (Burundi)

¹ Bukeye Yosuwa arazinduka, avana i Shitimu n’Abisirayeli bose, bashika kuri Yorodani, barāra batajabutse.

Yosuwa 3:1 Referans Kwoze

Yosuwa 2:1

Bakir’ i Shitimu, Yosuwa mwene Nuni atuma abantu babiri mu mpisho, ngo baje gutata; arababarira, ati Ni mugende mwitegereze ico gihugu, cane‐cane i Yeriko. Nuko baragenda, bashika mu nzu ya maraya yitwa Rahabu, bahāka indaro.

Mariko 1:35

Mw ijoro rishīra ubuca aravyuka, arasohoka, aja mu gahinga, asengerayo.

Mika 6:5

Yemwe bantu banje, enda ni mwibuke imigabo Balaki umwami w’i Mowabu yīgīriye, n’ico Balamu mwene Beyori yamwishuye; mwibuke n’ivyabaye uhereye i Shitimu ukageza i Gilugali, kugira ngo mumenye ivy’ ubugororotsi nakoze, jewe Uhoraho.

Yeremiya 26:5

ngo mwumvire amajambo y’ abasavyi biwe avugisha, abo abatumako, mber’ akāma azindurwa no kubatuma, mukanka kubumvira,

Yeremiya 25:3

at’ Uhereye mu mwaka ugira icumi na gatatu wa Yosiya mwene Amoni, umwami w’i Buyuda, gushitsa no kur’ uyu musi, iyo myaka ukw ari mirongwibiri n’itatu, ijambo ry’ Uhoraho ryama rinzako, nanje nkaribabgira, nkāma nzindurwa no kubabarira, namwe ntimwumve.

Yeremiya 7:13

Kandi none, ko mwakoze ivyo bikorwa vyose, ni jewe Uhoraho mbivuze, nkaba nari naravuganye namwe nzinduwe no kubabgira, ariko ntimwumve, nkabahamagara ariko ntimwitabe;

Zaburi 119:60

Nkanyaruka, sintebe Kwitondera amabgirizwa yawe.

Guharūra 25:1

Abisirayeli batebeye i Shitimu, abantu batangura gusambana n’Abanyamowabukazi:

Itanguriro 22:3

Aburahamu azinduka kare mu gatondo, ashira amatandiko ku ndogoba yiwe, ajana na babiri bo mu mikangara yiwe, na Isaka umwana wiwe; nukw asatuje inkwi zo kwosa ikimazi, ava hasi, aja ha hantu Imana yamubariye.

Itanguriro 21:14

Aburahamu akoroka kare, yābīra impamba n’ umukuza w’urusato wuzuye amazi, abitekerera Hagari, abishira ku rutugu rwiwe, amuha n’uwo mwana, aramwirukana; aragenda, azimagirika mu bugaragwa bg’i Beri‐sheba.

Yosuwa 6:12

Bukeye Yosuwa azinduka mu gatondo kare, abaherezi barerura isandugu y’Uhoraho.

Yosuwa 6:15

Maze ku musi ugira indwi, bazinduka mu gaturuturu, bazenguka ico gisagara nk’uko bahora, bashitsa ibihetangabo ndwi: kur’ uwo musi gusa ni ho bākizengutse gushikana indwi.

Yosuwa 7:16

Nuko Yosuwa azinduka kare mu gatondo, ahamagaza Abisirayeli, umuryango umwe‐umwe ukwawo; umuryango wa Yuda urafatwa.

Yosuwa 8:10

Yosuwa ahenga kare mu gatondo akoranya ingabo, adūgana n’abakuru b’Abisirayeli, azigiye imbere, baja i Hayi.

Abacamanza 20:19

Nuko bukeye Abisirayeli barahaguruka, basagaza inyuma y’i Gibeya.

1 Samweli 17:20

Nuko Dawidi akoroka kare, asigarana intama ūzimurābira, ahitana ivyo bintu aragenda, nk’uko Isayi yamubariye, ashikira aho barāza imikogote y’intambara, ahūra ingabo zigiye gutonda urugamba zīrahira ubutōre.