Yosuwa 2:1 - Bibliya Yera 1951 1967 (Burundi)

¹ Bakir’ i Shitimu, Yosuwa mwene Nuni atuma abantu babiri mu mpisho, ngo baje gutata; arababarira, ati Ni mugende mwitegereze ico gihugu, cane‐cane i Yeriko. Nuko baragenda, bashika mu nzu ya maraya yitwa Rahabu, bahāka indaro.

Yosuwa 2:1 Referans Kwoze

Abaheburayo 11:31

Ukwizera ni kwo kwatumye Rahabu, maraya, ataranduranwa n’abatumviye Imana, kuko yākīranye amahoro abaje gutata.

Yakobo 2:25

Kandi na Rahabu maraya ni ko vyabaye: mbega ntiyatsindanishirijwe n’ibikorwa kuko yahaye za ntumwa indāro, akazirangira iyindi nzira?

Matayo 1:5

Salumoni yavyaye Bowazi kuri Rahabu, Bowazi yavyaye Obedi kuri Rusi, Obedi yavyaye Isayi,

Guharūra 25:1

Abisirayeli batebeye i Shitimu, abantu batangura gusambana n’Abanyamowabukazi:

Abanyefeso 5:5

Kukw ibi mubizi neza, yukw ata mushakanyi, cank’ igihumane, cank’ uwifuza (ni we asenga ibigirwamana), azogira ico aragwa mu bgami bga Kristo n’Imana.

Matayo 10:16

Rāba mbatumye muri nk’intama mu mabingira hagati. Nuko mugire ubgenge nk’inzoka, mumere nk’inuma ata karohe.

Yosuwa 3:1

Bukeye Yosuwa arazinduka, avana i Shitimu n’Abisirayeli bose, bashika kuri Yorodani, barāra batajabutse.

Guharūra 13:2

ati Tuma abantu, baje gutata igihugu c’i Kanani mpaye Abisirayeli; ukūre umuntu umwe‐umwe mu miryango ya ba sekuruza, asanzwe ari mukuru muri bo.

Abacamanza 18:17

Nuko bano ukw ari batanu bāri baratase ico gihugu, ni kwo kudūga bakinjira mu nzu, bagasahura ico gishushanyo kibājwe na efodi na terafimu na ca gishushanyo kivugutiye mu nkero; arik’ uwo muherezi yar’ ahagaze kw irembo hamwe n’abo bantu ukw ar’ amajana atandatu bitwaje ibirwanishwa.

Abacamanza 18:2

Nukw Abadani batora mu muryango wabo wose abantu batanu barīndūka, bava i Sora n’i Eshitayoli, babatuma kuja gutata igihugu no kugisuzuma; barababarira, bati Ni mugende musuzume ico gihugu uko kimeze. Nuko baragenda, bīhēreza umugamba w’Abefurayimu, bashika ku rugo rwa Mika, ngw abe ari ho barāra.

Yosuwa 5:10

Nukw Abisirayeli bagishagaje i Gilugali barya ivya Pasika ku musi ugira icumi na kane w’ukwo kwezi, ku mugoroba, bari mu kiyaya c’i Yeriko.

Guharūra 33:49

Mu gusagaza bagendana Yorodani, bāhēreye i Beti‐yeshimoti bakageza ahitwa Abeli‐shitimu, mu kiyaya c’i Mowabu.

Yosuwa 21:31

n’i Helikati n’i Rehobu, bo n’amaragiro bigendanye; vyar’ ibisagara bine.

Abacamanza 18:14

Maze ba bandi ukw ari batanu bāri baragiye gutata igihugu c’i Layishi, babgira bagenzi babo, bati Harya murazi ko mur’ uru rugo harimwo efodi na terafimu n’igishushanyo kibājwe n’igishushanyo kivugutiye mu nkero? None rero ni mwiyumvire ico mwokora.

Yosuwa 1:18

Umuntu wese azogarariza, akanka icagezwe cawe, ntiyumvire ic’ umubariye cose, azokwicwa. Mugabo, shikama, ushire amanga.

Yosuwa 2:2

Baja kubarira umwami w’i Yeriko, bat’ Erega kur’ uyu mugoroba haje abantu bo mu Bisirayeli, baje gutata igihugu.

Mika 6:5

Yemwe bantu banje, enda ni mwibuke imigabo Balaki umwami w’i Mowabu yīgīriye, n’ico Balamu mwene Beyori yamwishuye; mwibuke n’ivyabaye uhereye i Shitimu ukageza i Gilugali, kugira ngo mumenye ivy’ ubugororotsi nakoze, jewe Uhoraho.

Itanguriro 42:9

Maze Yosefu yibuka za nzozi yarose kuri bo, arababarira, ati Mur’ abatasi! Muje kurāba ah’ igihugu coroshe!

Itanguriro 42:16

Ni mutume umwe muri mwebge, agende azane murumuna wanyu, namwe musigare mur’ imbohe, kugira ngw amagambo yanyu aseruke kw ar’ay’ ukuri: biramutse bitabaye birtyo, muzoba mur’ abatasi, ndabarahiye Farawo!

Guharūra 13:1

Uhoraho abarira Mose,

Abacamanza 1:23

Batuma abaja gutata i Beteli; ico gisagara kera citwa Luzi.