Yosuwa 1:7 - Bibliya Yera 1951 1967 (Burundi)

⁷ Mugabo shikama, ushire amanga cane, kugira ngo witondere ivy’ ivyagezwe vyose bivuga, ubishitse, ivyo Mose umusavyi wanje yakugeze; ntuz’ utambamire i buryo cank’ i bumoso, kugira ng’ ugire ukuboko kwiza ah’ uja hose.

Yosuwa 1:7 Referans Kwoze

1 Ivyo ku Ngoma 22:13

Uko ni k’uzogira ubuhirwe, ni wagira umwete ukitondera amabgirizwa n’amatēka Uhoraho yashingiye Abisirayeli, akabishikiriza Mose. Nuko shikama, ushire amanga, ntutinye kandi nturanduke umutima.

Gusubira mu Vyagezwe 5:32

Nuko rero muze mwitondere ivyo Uhoraho Imana yanyu yababariye; ntimuze mutambamire i buryo cank’ i bumoso.

Yosuwa 1:8

Ibiri mur’ ico gitabo c’ivyagezwe ntuz’ ubikūre mu kanwa kawe; arik’ uze wame ubirīmbūra ku murango no mw ijoro, kugira ng’ubone kwitondera ivyanditswemwo vyose; ni ho ivyawe bizogenda neza, ukagira amahirwe.

Imigani 4:27

Ntugatambamire i buryo cank’ i bumoso: Ukūre ikirenge cawe mu kibi.

Yosuwa 11:15

Nk’ uk’ Uhoraho yageze Mose umusavyi wiwe, ni ko Mose yageze Yosuwa, Yosuwa na we abigenza kuno: nta kintu na kimwe atākoze, mu vy’Uhoraho yageze Mose vyose.

Gusubira mu Vyagezwe 12:32

Ico mbageze cose muze mucitondere, mugishitse; ntimuze mucungurireko, canke ngo mukigabanye.

Gusubira mu Vyagezwe 31:7

Maze Mose ahamagara Yosuwa, amubaririra imbere y’Abisirayeli bose, at’ Ushikame, ushire amanga, kukw ari wewe uzojana aba bantu mu gihugu Uhoraho yarahiye ba sogokuruza kw azokibaha: ni wewe uzokibashikiriza.

Gusubira mu Vyagezwe 29:9

None rero ni mwitondere amajambo y’iri sezerano, muyashitse, kugira ngo mugire ukuboko kwiza mu vyo mukora vyose.

Gusubira mu Vyagezwe 28:14

ntimukikamire i buryo cank’ i bumoso, ngo muve ku kintu na kimwe mu vyo mbageze uyu musi, mukaja kugendanira izindi mana ngo muzisabe.

Imigani 8:20

Ngendera mu mayira y’ubugororotsi, No hagati mu nzira z’imanza ziroranye:

1 Abami 2:3

Uze wumvire ivyo Uhoraho Imana yawe yageze, ugendere mu nzira ziwe, witondere ivyo yashinze, n’amabgirizwa yiwe, n’amateka yiwe, n’ivyo yihanikirije, nk’uko vyanditswe mu vyagezwe vya Mose, kugira ng’ ugire ikiganza ciza mu vy’uzokora vyose n’ah’ uzoja hose;

Guharūra 27:23

Amurambikakw ibiganza, amushikiriza ico gikorwa, nk’uk’ Uhoraho yari yabimubariye.

Yosuwa 1:1

Mose umusavyi w’Uhoraho amaze gupfa, Uhoraho abarira Yosuwa mwene Nuni umufasha wa Mose,

Gusubira mu Vyagezwe 11:8

Ni co gituma mukwiye kwitondera ivyagezwe vyose mbagera uyu musi, kugira ngo mubone kugira inkomezi, mwinjire igihugu mugiye kujabukiramwo ngo mucegukire;

Yosuwa 1:9

None si jewe nkwibaririye, nti Shikama, ushire amanga? Nuko ntutinye, nturanduke umutima, kuko jewe Uhoraho Imana yawe ndi kumwe nawe ah’ uzoja hose.

Yosuwa 23:6

Nuko rero ni mugumye imitima, mushikame, mubone kwitondera no gushitsa ivyanditswe vyose mu gitabo c’ivyagezwe vya Mose, kugira ngo ntimukikamire i buryo cank’ i bumoso, ngo mubiveko,

1 Abami 2:2

ati Ngiye kujana inzira ab’ isi bose bajana; nuko shikama, ube umugabo nya mugabo.

2 Abami 22:2

Akora ivyo Uhoraho abona kw ari vyiza, agendera mu ngeso nziza zose za sekuruza Dawidi, ntiyatambamira i buryo cank’ i bumoso.

2 Ivyo ku Ngoma 15:7

Ariko mweho mushikame, amaboko yanyu ntadendebukirwe, kukw ibikorwa vyanyu muzobihērwa ingero.

Yobu 1:8

Uhoraho abaza Satani, ati Mbega witegereje umusavyi wanje Yobu, yukw ata wuhwanye na we mw isi, ar’ umuntu atunganye w’umugororotsi, anyubaha, akitandukanya n’ikibi?

Daniyeli 10:19

Arambgira, at’ Ewe muntu w’umukundwa cane, nta co utinya: mpore, mpore, gira amahoro! Akibimbgira, nca ndaremerana, ndavuga, nti Databuja n’uvuge, kuk’ unsubijemw’ intege.

Gusubira mu Vyagezwe 4:2

Ntimuze mwungurire ku vyagezwe mbagera, canke ngo mubigabanye, kugira ngo mubone kwitondera ivyagezwe vy’Uhoraho Imana yanyu mbagera.

Gusubira mu Vyagezwe 29:8

dushikīra ibihugu vyabo, tubiha Abareyubeni n’Abagadi n’igihimba c’umuryango w’Abamanase, kuba ishamvu yabo.

2 Ivyo ku Ngoma 26:5

Ashira umutima ku kurondera Imana mu gihe cose ca Zekariya, umuntu yamwigishije kwubaha Imana; kand’ uko yakomeje kurondera Uhoraho, Imana yamuhaye umugisha.

Zaburi 80:19

Uhoraho Mana Nyen’ ingabo, utwigarurire, Umurikishe mu nyonga hawe, natwe turakira.