Yona 4:8 - Bibliya Yera 1951 1967 (Burundi)

⁸ Maz’ izuba rirashe, Imana igera umuyaga w’indugumba, ng’ uve i burasirazuba; izuba rinaga Yona mu mutwe, bituma ahinduka urusogosogo, yisabira gupfa, ati Gupfa vyondutira kubaho.

Yona 4:8 Referans Kwoze

Yona 4:3

None rero, Uhoraho, ndakwinginze, pfuma unyica, kuko gupfa kundutiye kubaho.

EZEKIYELI 19:12

Arik’ uwo muzabibu waranduranywe uburake, utsindwa hasi, maz’ umuyaga uva i burasirazuba wumisha inzabibu zawo; rya shami ryawo rinoze rirahanyurwa rirakabirana, umuriro urariturira.

Zaburi 121:6

Izuba ntirizokwica ku murango, Cank’ ukwezi mw ijoro.

Ivyahishuwe 7:16

Ntibazoba bakigira inzara ukundi, kandi ntibazoba bakigira inyota ukundi, kand’ izuba ntirizobarabika cank’ indugumba yose,

Ivyahishuwe 3:19

Abo nkunda bose ndabakankamira, nkabakāngīra; nuko gira umwete, wihane.

Yesaya 49:10

Ntibazokwicwa n’inzara canke n’inyota, kand’ indugumba ntizobahundagaza cank’ izuba: kuk’ uwabagiriye ikigongwe azobaja imbere, akabashikana no ku masōko y’amazi.

Yona 1:17

Uhoraho agera urufi runini ngo rumire Yona. Maze Yona amara mu nda y’urufi imisi itatu n’amajoro atatu.

Yona 1:4

Maz’ Uhoraho asuka umuyaga ukomeye mu kiyaga; haba igihuhuta c’inkomezi mu kiyaga, ubgato bushaka kumeneka.

Indirimbo ya Salomo 1:6

Ntimumpange amaso, kuko nirabura, Kukw izuba ari ryo ryanyirabuje. Abahungu ba mama bārandakiye, Banzigamishije imirima y’imizabibu, Arik’ urwanje ruzabibu sinaruzigamye.

Zaburi 39:9

Naracereje, sinateranura akanwa, Kukw ari wewe wabikoze.

Yobu 2:10

Arikw aramwishura, at’ Uvuze nk’umwe wo mu bagore b’ibipfapfa. Mbega none twohabga ivyiza bisa mu biganza vy’Imana, tukanka kwākīra n’ibibi na vyo? Mur’ ivyo vyose Yobu ntiyakoresheje icaha akanwa kiwe.

1 Samweli 3:18

Nuko Samweli amudōndera vyose, ntiyagira ico amuhisha. Maze Eli aravuga, ati N’Uhoraho: n’akore ico ashima.

Abalewi 10:3

Mose abarira Aroni, at’ Ivyo ni vyo Uhoraho yavuze, ng’ Ukwera kwiwe kuzogaragarira mu bamwegera, kandi ngw Azoherwa icubahiro imbere y’abantu bose. Aroni arūmirwa.

Matayo 20:12

bat’ Abaherutse kuza, bagakora isaha imwe gusa, none k’ubaringanije natwe twacumukuye umurango wose no mu ndugumba!

1 Abami 19:4

Mugabo we, agenda urugendo rw’umusi umwe mu bugaragwa, araza yicara musi y’igiti c’umurotemu, yisabira gupfa, at’ Ewe Uhoraho, ivyanje ni bigarukire hano: ntabara unkūreho, kuko ntaruta ba sogokuruza.

Hoseya 13:15

Naho yorondoka muri bene se, umuyaga uturutse i burasirazuba uzoza, ni wo muyaga w’Uhoraho udūga uvuye mu bugaragwa; isōko yiwe izokamuka, iriba ryiwe rigaduke: azonyagwa itunga ry’ibintu vyiwe vyose vy’imbombovu bihimbaye.

Yona 4:9

Maz’ Imana ibaza Yona, iti Mbega k’urakijwe urtyo n’ ico kibonobono, ugize neza? Arayishura, ati Ngize neza kugira uburake, mbere bgonyica.

Itanguriro 41:6

Maze mu nyuma zayo haca hamera iyindi mihuruhumbi ndwi y’ibihumbirane, yumishijwe n’umuyaga uvuye i burasirazuba.

1 Abami 21:4

Nuko Ahabu arataha ashavuye yijiriwe, kubg’ iryo jambo Naboti w’i Yezireli yamubariye: kuko yamubariye, ati Sinoguha ishamvu ya ba sogokuruza. Nukw aragenda yiryamira ku kirwa, aroresha amaso hirya mu rusika, yanka gufūngura.

Yobu 7:15

Bigatuma umutima wanje uhitamwo gupfuma nnigwa, Mpisemw’ urupfu kuruta kugumana aya magufa yanje.

Umusiguzi 7:9

Ntukihutire kuraka mu mutima: kuk’ uburake bgama mu mushaha w’ibipfu.