Yona 2:6 - Bibliya Yera 1951 1967 (Burundi)

⁶ Ndamanuka nja mu mizi y’imisozi; Isi n’ibihindizo vyayo vyanyugaranye ibihe bidashira: Arik’ Uhoraho Mana yanje, wakūye ubugingo bganje muri rwa rwobo.

Yona 2:6 Referans Kwoze

Zaburi 30:3

Uhoraho, wadūganye ubugingo bganje, ubukūra i kuzimu: Wankijije urupfu, ngo noye kumanuka nkaja muri rwa rwobo.

Zaburi 16:10

Kuk’ utazoreka ubugingo bganje ngo buje i kuzimu, Kandi ntuzokundira Uwera wawe ngw az’ abore.

Yesaya 38:17

Ereg’ icatumye ngira umubabaro w’umururazi mwinshi kwar’ ukugira ngo ndonke amahoro; Kand’ urukundo wakunze ubugingo bganje rwātumye ubukiza urwobo rw’ iborero, Kukw ivyaha vyanje vyose wabirengeje inyuma yawe.

Habakuki 3:10

Imisozi yarakubonye, irasambagirika; Amazi arahondogana: I bgina humvikanisha ijwi ryaho, Hatarika amaboko yaho.

Habakuki 3:6

Arahagarara, agera ubunini bg’isi; Arāba igitsure, amahanga agahinda agashitsi; Imisozi y’intahava irasanzara, Uturambi tw’inyame turanyika; Ajana inzira ziwe za kera.

Yesaya 40:12

Ni nde yigeze kugera amazi y’ikiyaga ku rushi, akageresha ijuru itambge ry’intoke, akaronka ingero yokwirwamw’ umukungugu wo kw isi, akagera imisozi ku munzane, n’uturambi ku ngero?

Zaburi 143:7

Uhoraho, n’utebuke unyishure; umutima wanje urashiringitira; Ntumpishe mu nyonga hawe; Simmere nk’abamanuka baja muri rwa rwobo.

Zaburi 104:8

Aca ku misozi, amanukana imyonga, Ashika mu kibanza wayagereye.

Zaburi 104:6

Wayoroshe ikiyaga nk’impuzu, Amazi areremba hejuru y’ imisozi miremire.

Zaburi 65:6

Iyo ni yo ishimangirisha imisozi inkomezi zayo, Ikenyeye ubushobozi.

Zaburi 55:23

Ariko wewe Mana, ba bandi uzobamanukana muri rwa rwobo rw’amahonero; Abicanyi n’ingunge ntibazocagatiza imisi y’ubugingo bgabo; Ariko jeho nzokwama nkwizigira.

Zaburi 30:9

Nti Mbeg’ amaraso yanje azomara iki, ni namanuka nkaja muri rwa rwobo? Non’ umukungugu uzoguhimbaza? Mbeg’ uzokwatura ukuri kwawe?

Yobu 33:28

Imana yacunguye umutima wanje ngo ntuje muri rwa rwobo, Kand’ ubugingo bganje buzokwitegereza umuco.

Yobu 33:24

Ni ho amugirira imbabazi, Ati Murekure, yoye kumanuka ngw aje muri rwa rwobo; Mbonye ikimucungura.

Gusubira mu Vyagezwe 32:22

Kuk’ umuriro w’uburake bganje udometswe, Wātse, ugashika hasi i kuzimu, Ugatōngōra isi n’ivyeze kuri yo, Ukadomeka amatanguriro y’ imisozi.

Matayo 16:18

Nanje ndakubgira yuk’ uri Petero, kandi kur’ urwo rutare nzorwubakakw ishengero ryanje, kand’ amarembo y’i kuzimu ntazorishobora.

Zaburi 18:5

Ingoyi z’i kuzimu zantaye hagati, Imitego y’urupfu yantanze imbere.

Zaburi 116:3

Ingoyi z’urupfu zaranyizingiriyeko, Uburibge bg’i kuzimu bgaramfashe: Mbona ivyago n’umubabaro.

Yesaya 38:10

Naravuze, nti Ndakenyutse, ngiye guca mu marembo y’i kuzimu: Natswe imyaka yanje yar’ igisigaye.

EZEKIYELI 26:20

ni ho nzokumanurana n’abamanuka baja muri rwa rwobo, usangey’ abāgiye kera, nkugerēre i kuzimu, ahantu hāhebge uhereye kera, hamwe n’ abamanuka baja muri rwa rwobo, kugira ngo ntiwongere kubābgamwo; kand’ icubahiro nzogikomeza mw isi y’abakiriho.

EZEKIYELI 31:14

kugira ngo hoye kugira igiti na kimwe co ku nkengēra y’amazi cishira hejuru kubg’ uburebure bgaco ubgaco, canke ngo gitume ubushorishori bgaco bushika mu bicu, canke ngo hagire ibihambaye vyo muri vyo bihagarara vyishimiye uburebure bgavyo, ari vyo vyose bitungwa n’amazi: kuko vyose vyatanzwe ngo bipfe, bije i bgina i kuzimu, bifadikanijwe n’abantu buntu, n’ abamanuka baja muri rwa rwobo.

Zaburi 69:2

Ndadobeye mw ishayo imira, idafise aho gushinga ikirenge: Nshitse mu mazi amira, ah’ umukuba undengera.