Yohana 8:36 - Bibliya Yera 1951 1967 (Burundi)

³⁶ Umwana ni yabaha kwidegemvya, muzoba abidegemvya nyakuri.

Bibiliya mu Kirundi coroshe

³⁶ None rero, Umwana niyabagira abidegemvya, muzoba abidegemvya vy’ukuri.

Yohana 8:36 Referans Kwoze

2 Korinto 3:17

Arik’ uwo Mwami ni we Mpwemu: kand’ aho Mpwemu w’Umwami ari, ni ho haba umwidegemvyo.

Galatiya 5:1

Kristo yatugobotoye ngo tube mu mwidegemvyo: nuko muhagarare mushikamye, ntimukongere kuzīngīrwa n’ugutwazwa ituntu n’ubuja.

Abaroma 8:2

Kukw ikingera ca Mpwemu w’ubugingo bgo muri Kristo Yesu cancunguye ngo singanzwe n’icangera c’icaha n’ic’ urupfu.

Luka 4:18

ngo Mpwemu w’Uhoraho ari kuri jewe, Ni co catumye andobanuza amavuta kugira ngo mbgire aboro ubutumwa bgiza: Yantumye kumenyesha abarindwa ko barekuwe, N’impumyi ko zihumūka, No kubohora abanywagutse imitima,

Yesaya 61:1

Mpwemu w’Umwami Uhoraho ari kuri jewe, kuk’ Uhoraho yandobanuje amavuta ngo mbgire abaciye bugufi ubutumwa bgiza; yantumye gutubika imitima imenetse, no kumenyesha abarindwa ko barekuwe, n’imbohe ko zugururiwe;

Zaburi 119:133

Gumiriza intambuko zanje mw ijambo ryawe; Ntihagire ikigabitanyo na kimwe kinganza.

Zaburi 119:32

Nzogenda niruka mu nzira y’amabgirizwa yawe Ah’ uzokwagurira umutima wanje.

Zaburi 19:13

Kandi wame uzigama umusavyi wawe sinze nkore ivyaha ibigirankana, Ntibize binganze: ni ho nzobona gutungana rwose, Sinzotsindwa n’urubanza rw’ icaha gikomeye.

1 Korinto 7:22

Uwahamagawe n’Umwami wacu ar’ umugurano, aba acitse uwidegemvya acunguwe n’Umwami. Ni ko, uwahamagawe n’Umwami ar’ uwidegemvya, aba acitse umugurano wa Kristo.