Yohana 8:17 - Bibliya Yera 1951 1967 (Burundi)

¹⁷ Kandi no mu vyagezwe vyanyu handitswe kw intahe ishinzwe n’abantu babiri ar’ iy’ ukuri.

Bibiliya mu Kirundi coroshe

¹⁷ Mu Vyagezwe vyanyu haranditswe ko intahe y’ivyabona bibiri aba ari iy’ukuri.

Yohana 8:17 Referans Kwoze

Gusubira mu Vyagezwe 19:15

Icabona kimwe gusa ntikirangije kwagiriza umuntu ico yagabitanije cank’ ikindi caha ic’ ari co cose; amajambo az’ aringanizwe, bivuye mu kanwa k’ ivyabona bibiri canke bitatu.

Gusubira mu Vyagezwe 17:6

Umuntu mu kw apfa, aze yicishwe n’ ivyabona bibiri canke bitatu bimwagirije; arikw icabona kimwe ntikize cagirize umuntu ngo yicwe.

Abaheburayo 10:28

Ūkēngereye ivyagezwe vya Mose, ivyabona bibiri canke bitatu biramwicisha, ata kagongwe.

Matayo 18:16

Ariko n’atakwumvira, ujane umwe canke babiri, kugira ngw ijambo ryose rize riringanizwe, bivuye mu kanwa k’ivyabona bibiri canke bitatu.

Galatiya 3:24

Uko ni kw ivyagezwe vyatubereye umurezi aturera akadushikiriza Kristo, ngo dutsindanishirizwe n’ukwizera.

2 Korinto 13:1

Ubu bugira bube ubga gatatu nza i wanyu. Ijambo ryose rizoringanizwa bivuye mu kanwa k’ivyabona bibiri canke bitatu.

Ivyahishuwe 11:3

Kand’ abanshingira intahe babiri nzobavugisha, bazovugishwa imisi igihumbi n’amajana abiri na mirongwitandatu bambaye amagunira.

Galatiya 4:21

Mwebge abagomba kuganzwa n’ivyagezwe, ni mumbarire: mbega ntimwumva ivyagezwe?

1 Yohana 5:9

Ko twemera intahe ishinzwe n’abantu, intahe y’Imana yo n’agaheta: kukw intahe y’Imana ar’ iyi, ar’ uko yashingiye intahe ivy’ Umwana wayo.

1 Abami 21:10

maze muzane abantu babiri b’inshirukanya, baje imbere yiwe bamwagirize, bati Warogose ku Mana no ku mwami. Muheze mumujane inyuma y’ igisagara, mumwicishe amabuye.

Yohana 15:25

Ariko vyabaye birtyo kugira ngw ijambo ryanditswe mu vyagezwe vyabo rishike, ngo Bānyankiye ubusa.

Yohana 10:34

Yesu arabishura, ati Mbega ntihanditswe mu vyagezwe vyanyu, ngo Navuze nti Mur’ imana?

Guharūra 35:30

Ni hagira uwica uwundi, uwo mwicanyi aze yicishwe n’ivyabona bimwagirije; arikw icabona kimwe ntikize cagirize umuntu ngo yicwe.