Yohana 6:11 - Bibliya Yera 1951 1967 (Burundi)

¹¹ Maze Yesu yābīra ya mitsima, arayihezagira, ayigaburira abicaye, n’ifi na zo nk’uko bagomba.

Bibiliya mu Kirundi coroshe

¹¹ Yesu afata ya mikate, ayishimira Imana, ayiha abari bicaye aho. Na za fi azigenza uko. Abantu bararya barikura.

Yohana 6:11 Referans Kwoze

Yohana 6:23

(mugabo hār’ amato ajabuka ava i Tiberiya, afata hafi ya ha hantu bārīriye imitsima ihezagiwe n’Umwami Yesu).

1 Tesalonike 5:18

mwame mukenguruka muri vyose, kukw ico ari co Imana ibagombako muri Kristo Yesu.

Abaroma 14:6

Uwiyumvira umusi awiyumvira kubg’ Umwami wacu; ūrya inyama azirya kubg’ Umwami, kukw ashima Imana; kand’ ūtazirya, yanka kuzirya kubg’ Umwami, na we ashima Imana.

Matayo 15:36

Yābīra ya mitsima ndwi na za fi, arabishimira, arabimanyagura, abihereza abigishwa biwe, babigaburira ishengero.

Luka 24:30

Yicaye ngw asangire na bo, yābīra umutsima, arawuhezagira, arawumanyagura, arawubaha.

1 Korinto 10:31

Nukw iyo murya, canke munywa, canke mukora ikindi kintu cose, mube mukorera vyose gushimisha Imana.

Ivyakozwe 27:35

Amaze kuvuga ivyo, yābīra umutsima, ashimira Imana imbere yabo bose, arawumanyagura, atangura kurya.

1 Samweli 9:13

Ni mwashika mu gisagara muca mumubona ataradūga ku mpinga y’umusozi kurīrayo; kukw abantu badashobora kurya ataraza, kukw ari we ahezagira ibimazi, maz’ abātowe bakabona kurya. Nuko rero ni mudūge: muca mumubona aka kanya.

Yohana 6:9

ati Hano har’ umuhungu ari n’udutsima dutanu twa sayiri, n’udufi tubiri, ariko tumaze iki mu bantu bangaho?

Yohana 21:9

Bafashe i musozi, babonah’ umuriro w’amakara n’ifi zigeretseko, n’umutsima.

Yohana 21:10

Yesu arababgira, ati Ni muzane ifi ku zo muhejeje kuroba.

Yohana 21:13

Yesu araza, yābīra umutsima, arawubaha, n’ifi n’uko.