Yohana 5:9 - Bibliya Yera 1951 1967 (Burundi)

⁹ Buno nyene uwo muntu arakira, yikorera ikirago ciwe, aragenda. Arik’ uwo musi hari kw isabato.

Bibiliya mu Kirundi coroshe

⁹ Ubwo nyene wa muntu arakira, aterura ikirago ciwe atangura kugendagenda. Ivyo vyabaye ku musi w’Isabato.

Yohana 5:9 Referans Kwoze

Yohana 9:14

Kand’ uwo musi war’ isabato, Yesu yavurunzek’ utwondo, agahumūra amaso yiwe.

Mariko 10:52

Yesu arayibgira, ati Genda, ukwizera kwawe kuragukijije. Aca arahumūka, amukurikira ku nzira.

Mariko 5:29

Uwo mwanya isōko y’amaraso irakama, amenya mu mubiri wiwe yukw akize ico cago.

Mariko 1:42

Imibembe ica imuvako, arakira.

Mariko 1:31

Araza, amufata ukuboko, aramuvyutsa, umururumbo urazima, arabazimana.

Yohana 7:23

None se, k’umuntu akebga kw isabato, kugira ngw icagezwe ca Mose ntimukirenge, none jewe mumpōra iki ko kw isabato nakijije umuntu yiramvuriye?

Yohana 5:14

Hanyuma y’ivyo Yesu amubona mu rusengero, aramubgira, ati Rāba wakize; ntugasubire gukora icaha, kugira ngo ntuz’ ubone ibiruta ivya mbere.

Yesaya 35:6

Ico gihe ūcumbagira azosimba nk’ impongo, ururimi rw’ikiragi ruririmbe: kukw amazi azodudubiriza ahagadutse, imigezi itembere mu bugaragwa.

Yeremiya 17:21

uku ni k’Uhoraho agize, ati Ni mwirinde, ntimukagire ico mwiremēka na kimwe ku musi w’isabato, canke ngo mugicishe mu birimba vy’i Yerusalemu;