Yohana 5:16 - Bibliya Yera 1951 1967 (Burundi)

¹⁶ Ni co catumye Abayuda bahama Yesu, kuko yakoze ivyo kw isabato.

Bibiliya mu Kirundi coroshe

¹⁶ Nuko abakuru b’Abayuda batangura guhama Yesu, kuko yakoze ivyo ku musi w’Isabato.

Yohana 5:16 Referans Kwoze

Yohana 15:20

Mwibuke rya jambo nababgiye, nt’ Umushumba ntaruta shebuja; namba bārampamye, namwe bazobahama; namba bāritondeye ijambo ryanje, n’iryanyu bazoryitondera.

Yohana 10:39

Nuko bongera kurondera ingene bomufata, abava mu maboko.

Yohana 7:25

Bamwe mu b’i Yerusalemu baravuga, bati Mbeg’ uwo si we bashaka kwica?

Yohana 5:13

Arik’ uwakijijwe ntiyar’ azi uw’ ari we, kuko Yesu yaciye yīgīra, kukw aho hantu hār’ abantu benshi.

Luka 6:11

Ariko bo birabasaza rwose, baja inama y’ico bogira Yesu.

Mariko 3:6

Abafarisayo barasohoka, baca bamugīra inama n’abantu ba Herode ngo babone ingene bomwica.

Matayo 12:13

Maz’ abgira uwo muntu, ati Ramvura ukuboko kwawe. Arakuramvura, kurakira, gukomera nk’ukundi.

Yohana 1:19

Uku ni kwo gushinga intahe kwa Yohana, ah’ Abayuda bāmutumakw abaherezi n’Abalewi bavuye i Yerusalemu, ngo bamubaze, bat’ Uri nde?

Yohana 5:10

Nukw Abayuda babgira uwakijijwe, bat’ Erega ni kw isabato: ntivyemerwa ko wikorera ikirago cawe.

Yohana 5:15

Uno muntu aragenda, abgira Abayuda kw ari Yesu yamukijije.

Yohana 5:17

Yesu arababgira, ati Data arakora kugeza n’ubu, nanje ndakora.

Yohana 5:18

Ni co catumye Abayuda barushiriza kurondera ingene bomwica, kukw atākēngereye isabato gusa, arikw agatakw akīta Imana kw ari Se bgite, akīringaniza n’Imana.

Yohana 7:21

Yesu arabishura, ati Nakoze igikorwa kimwe, mwese muratangara.