Yohana 3:35 - Bibliya Yera 1951 1967 (Burundi)

³⁵ Se arakunda Umwana, kandi yamuhaye vyose, abishira mu kuboko kwiwe.

Bibiliya mu Kirundi coroshe

³⁵ Se arakunda Umwana kandi yamuhaye kuganza vyose.

Yohana 3:35 Referans Kwoze

Matayo 28:18

Yesu arabēgēra, arababgira, ati Jewe nahawe ububasha bgose mw ijuru no mw isi.

Yohana 5:22

Kuko Se ata n’umwe acira urubanza, arikw imanza zose yazishikirije Umwana,

Yohana 5:20

Kuko Se akunda Umwana, akamwereka ivy’ akora vyose ubgiwe, kand’ azomwereka ibikorwa biruta ivyo, kugira ngo mwebge mutangare.

Luka 10:22

Vyose nabihawe na Data; kandi nta wuzi Umwana uw’ ari we, atari Data: na Data nta wumuzi uw’ ari we atar’ Umwana, n’uwo Umwana agomba kumuhishurira.

Yohana 17:2

nk’uko wamuhaye ububasha ku bafise umubiri bose, ngw abo wamuhaye bose abahe ubugingo budashira.

Matayo 11:27

Vyose nabihawe na Data, kandi nta wuzi Umwana, atari Data, na Data, nta wumuzi, atar’ Umwana, n’uwo Umwana agomba kumuhishurira.

Abanyefeso 1:22

Kandi yamushikirije vyose, ibishira musi y’ibirenge vyiwe, kand’ imuha ishengero ngw abe umutwe waryo wo gusumba vyose,

Yohana 13:3

Yesu yar’ azi ko Se yamuhaye vyose yabishize mu maboko yiwe, kandi ko yavuye ku Mana, kandi kw agira asubire ku Mana,

1 Petero 3:22

ar’i buryo bg’Imana, kuko yagiye mw ijuru, amaze guhabga gutwara abamarayika n’abanyabubasha n’abanyabushobozi.

1 Korinto 15:27

Kuko handitswe, ngo Yamuhaye kuganza vyose, ibishira musi y’ibirenge vyiwe. Ariko kw ivuga, it’ Ahawe kuganza vyose; biraboneka yukw Iyamuhaye kuganza vyose itabiharūrwamwo.

Zaburi 2:8

Nsaba, nzoguha amahanga, az’ abe umwandu wawe, N’impera z’isi zize zibe ishamvu yawe.

Abaheburayo 1:2

mur’ iyi misi y’iherezo yabaririye twebge mu kanwa k’Umwana wayo, uwo yashiriyeho kuba samuragwa wa vyose, ni we yahaye kurema isi.

Yohana 17:26

Nabamenyesheje izina ryawe, kandi nzoribamenyesha, ng’ urukundo wankunze rube muri bo, nanje mbe muri bo.

Yohana 17:23

Jewe mbe muri bo, nawe ube muri jewe, ngo bahīngūrwe babe umwe, kugira ngw isi imenye kw ari wewe wantumye, ukabakunda, nk’uko wankunze.

Yohana 15:9

Nk’uko Data yankunze, ni ko nanje nabakunze: ni mugume mu rukundo rwanje.

Matayo 17:5

Akivuga, haza igicu gikayangana, kibatera igitūtu; kand’ ijwi riva muri nya gicu, riti Nguyu Umwana wanje nkunda, akampimbara; ni mumwumve.

Matayo 3:17

Buno rer’ ijwi riva mw ijuru, rit’ Uyu ni we Mwana wanje nkunda, akampimbara.

Yesaya 42:1

Nguyu umushumba wanje, uwo nama nshigikiye, uwo natoranije, ahimbara umutima wanje: nashize Mpwemu wanje kuri we; azoshikana amateka mu banyamahanga.

Imigani 8:30

Ico gihe nari kumwe na yo, nd’ umukozi w’umuhanga: Kand’ imisi yose narayihimbara, Nama niginagura imbere yayo;

Itanguriro 41:55

Maz’ igihe igihugu cose ca Egiputa gitewe n’ inzara, abantu batakambira Farawo ngw abahe ivyo barya. Farawo abarira Abanyegiputa bose, ati Ni muje kuri Yosefu: ico ababarira mugikore.

Itanguriro 41:44

Farawo abarira Yosefu, ati Jewe Farawo ndabivuze: nta wuzotaramura ukuboko canke ngw ashingure ikirenge mu gihugu cose ca Egiputa, utavyemeye.

Daniyeli 7:14

Aca ahabga inganji n’icubahiro n’ubgami, kugira ngw amoko yose n’amahanga n’abavuga indimi zitari zimwe bamusabe: ingoma yiwe n’ingoma itazovaho, kand’ ubgami bgiwe n’ubgami butazohangura.