Yohana 20:16 - Bibliya Yera 1951 1967 (Burundi)

¹⁶ Yesu aramuhamagara, ati Mariya. Na we arahindukira, amwitaba mu Giheburayo, ati Rabuni (risobanurwa ngo Mwigisha).

Bibiliya mu Kirundi coroshe

¹⁶ Yesu aca aramuhamagara ati: “Mariya.” Na we arahindukira aramuraba, aca arasemerera mu rurimi rw’Igiheburayo ati: “Rabuni!” (bisigura “Mwigisha”).

Yohana 20:16 Referans Kwoze

Yohana 10:3

Umuteramyi w’irembo aramwugururira, kand’ intama zumva ijwi ryiwe; ahamagara iziwe ntama mu mazina yazo, akaziturutsa.

Yohana 1:38

Yesu akebutse, abona bamukurikiye, arababaza, ati Murondera iki? Baramubgira, bati Rabi (risobanurwa ngo Mwigisha), usembereye hehe?

Ivyakozwe 10:3

Abona yeretswe imbonankubone umumarayika w’Imana yinjiye i we hāri nk’isaha cenda z’umusi: aramuhamagara, ati Koruneliyo.

Ivyakozwe 9:4

Yikubita hasi, yumva ijwi rimubaza, riti Sauli, Sauli, umpīgira iki?

Yohana 6:25

Bamubonye hakurya y’ikiyaga baramubaza, bati Mwigisha, waje ino ryari?

Yesaya 43:1

Ariko none, uku ni k’Uhoraho agize, uwakuremye, yewe Yakobo, kand’ akakubumba, yewe Isirayeli, ati Ntutinye, kuko nagucunguye, naguhamagaye izina, ur’ uwanje.

Itanguriro 22:11

Maz’ umumarayika w’Uhoraho amuhamagara ari mw ijuru, at’ Ewe Aburahamu, Aburahamu! Aritaba, ati Sabge.

Yohana 20:28

Toma aramwishura, ati Mwami wanje, kandi Mana yanje.

Yohana 13:13

Munyita Mwigisha na Shobuja, kandi mubivuga ko, kukw ari ko ndi.

Yohana 11:28

Avuze ivyo, asubira inyuma, yonjorora Mariya, mwene nyina, at’ Umwigisha ari hano, araguhamagaje.

Yohana 5:2

Kand’ i Yerusalemu hafi y’irembo ry’intama, hār’ ikidengeri, mu Giheburayo citwa Betesida, carikw amabaraza atanu.

Yohana 3:2

uwo aza kuri we mw ijoro, aramubgira, ati Mwigisha, turazi yuk’ ur’ umwigisha yavuye ku Mana, kukw ata muntu ashobora gukora ibimenyetso nk’ivyo ukora, shit’ Imana iri kumwe na we.

Yohana 1:49

Natanayeli na we aramwishura, ati Mwigisha, ur’ Umwana w’Imana, ni wewe Mwami w’Abisirayeli.

Luka 10:41

Umwami Yesu aramwishura, ati Marita, Marita, urīganyira wigora muri vyinshi:

Matayo 14:27

Uwo mwanya Yesu arababgira, ati Hūmura, ni jewe, ni mureke gutinya.

Indirimbo ya Salomo 5:2

Nari nsinziriye, arik’ umutima wanje uri maso: Numva ijwi ry’umukunzi wanje aramutsa, Ati Nyugururira, mushikanje, mukunzi wanje, inanuma wanje, mwiza wanje utagira agasembga; Kuk’ umutwe wanje utonzweko n’urume, N’umushatsi wanje utonzweko n’udutonyanga tw’ ijoro.

Indirimbo ya Salomo 3:4

Mmaze kubarēngāna gato Mbona uwo umutima wanje ukunda; Ndamufata, nanka kumurekura, Kugeza aho namushikanye mu nzu ya mama, Mu nzu y’uwamvyaye.

1 Samweli 3:10

Maz’ Uhoraho araza ahagarara ngaho, aramuhamagara nk’ubga mbere, ati Samweli we! Ewe Samweli! Na we ati N’uvuge, kuk’ umusavyi wawe nteze amatwi.

1 Samweli 3:6

Uhoraho yongera guhamagara, ati Samweli! Nuko Samweli aravyuka, aja iyo Eli ari, ati Ndaje nditavye. Na we at’ Eka singuhamagaye, mwananje: subira kuryama.

Kuvayo 33:17

Uhoraho yishura Mose, ati N’ico uvuze na co ndagikora, kuko nakugiriye ubuntu, nkakumenya izina.

Kuvayo 3:4

Uhoraho abonye yukw akīkamishwa no kubirāba, Imana imuhamagara iri hagati mur’ ico gisaka, iti Mose, Mose! Aritaba, ati Sabge!

Itanguriro 45:12

Kandi muravyibonera n’amaso yanyu, na mwene mama Benyamini aravyibonera, yukw ari jewe ubganje mvyikūriye mu kanwa.

Itanguriro 22:1

Hanyuma y’ivyo, Imana igeza Aburahamu; iramuhamagara, iti Aburahamu! Aritaba, ati Sabge.

Mariko 10:51

Yesu arayibaza, at’ Ugomba ko ngukorera iki? Ino mpumyi iramwishura, iti Ndagomba guhumūka, Mwigisha.