Yohana 19:41 - Bibliya Yera 1951 1967 (Burundi)

⁴¹ Kand’ aho hantu yabambge hār’ itongo; kandi mur’ iryo tongo hār’ imva nsha itarahambgamw’ umuntu;

Bibiliya mu Kirundi coroshe

⁴¹ Hafi y’aho Yesu yabambwe hari itongo, kandi muri iryo tongo hari imva nshasha, itari bwigere ihambwamwo umuntu.

Yohana 19:41 Referans Kwoze

Luka 23:53

Arakibambūra, akizingira mu mpuzu yera, agishira mu mva yimbge mu bitandara, itarahambgamw’ umuntu.

Matayo 27:60

agishira mu mva yiwe nsha, yari yarimbishije mu bitandara; atembagaza ikibuye kinini acugaza umuryango w’imva, aragenda.

Yohana 20:15

Yesu aramubaza, ati Mbega nyina wanje, urizwa n’iki? Urondera nde? Na we yiyumvira kw ar’ umurimyi waho, aramubgira, ati Mugenzi, namb’ ari wewe wamukūye hano, ndangira aho wamushize, ndamukūreyo.

Yesaya 22:16

ut’ Urakora iki ngaho? uti Kand’ uri kumwe na nde ngaho ko wiyimbiye imva aho nyene? uti Ko wiyimbiye imva ahahera ruguru, ukībāzira ubugaramango mu gitandara!

2 Abami 23:30

Maz’ abantu biwe bajana umuvyimba wiwe mu mukogote w’intambara, bawukūra i Megido bawujana i Yerusalemu, bamuhamba mu mva yiwe yari yarimbishije. Abantu bo mur’ ico gihugu bahitana Yehowahazi umuhungu wiwe, bamwimikisha amavuta, bamwimika mu gishingo ca se.

Yohana 19:42

aho ni ho bāhamvye Yesu, kuko war’ umusi wo kwitegura kw’ Abayuda, kand’ iyo mva ikaba hafi.