Yohana 19:29 - Bibliya Yera 1951 1967 (Burundi)

²⁹ Aho hantu hari hateretse inkono yuzuye inkarisha, nuko bashira sipongo yuzuyemw’ inkarisha kw irenga, bayirungika ku munwa wiwe.

Bibiliya mu Kirundi coroshe

²⁹ Hafi yaho hari umubindi urimwo inkarisha, maze abasoda bafata ipampa barijobeka muri ya nkarisha, baridugisha ishami rya ezobu ku munwa wa Yesu.

Yohana 19:29 Referans Kwoze

Guharūra 19:18

Umuntu adahumanye aheze yābīre utubabi twa ezobu, atujobeke mur’ ayo mazi, ayacucagire kuri rya hema, no ku mbombovu zose, no ku bantu bāri muri ryo, no ku wakoze kw igufa canke ku wishwe canke ku kiziga kindi canke ku mva.

Luka 23:36

N’abasoda baramucurīra, baramwēgēra, bamuha inkarisha,

Mariko 15:36

Umwe arirukanga, yābīra sipongo, ayuzuza inkarisha, ayirungikisha irenga; arayimusomesha, ati Hinge turābe ko Eliya yoza kumubambūra.

Matayo 27:48

Umwe muri bo aca arirukanga yābīra sipongo, ayuzuza inkarisha ayirungikisha irenga, arayimusomesha.

Kuvayo 12:22

Mwiyabīrire agakama ka ezobu, mukajōbeke mu maraso ari mu rwavya, mumijagire ayo maraso hejuru y’umuryango no ku bishimaryango vyompi, ntihaze hagire umuntu n’umwe muri mwebge asohoka mu nzu yiwe gushitsa mu gitondo.

Zaburi 51:7

Unyezeshe ezobu, ndera: Unyuhagire ndaba derere kurusha uko shelegi yera.

Matayo 27:34

bamuha vino ivanze n’umuti w’umururazi, ngw ayinywe; ayumvirije yanka kuyinywa.

1 Abami 4:33

Yar’ azi kudondora ivy’ ibiti, uhereye kw isederi y’i Lebanoni ugashitsa kuri ezobu imera ku mazu; yar’ azi no kudondora ivy’ ibikōko n’ ibisīga n’ivyikwega hasi n’amafi.

Matayo 27:50

Yesu yongera gusemerera n’ijwi rirenga, umutima uraca.