Yohana 18:18 - Bibliya Yera 1951 1967 (Burundi)

¹⁸ Abashumba n’abagendanyi bāri bahagaze bacanye umuriro w’amakara, kuko hār’ imbeho, bariko barōta; kandi Petero na we yari kumwe na bo, ahagaze yōta.

Bibiliya mu Kirundi coroshe

¹⁸ Kubera hari hakanye, abakozi n’abarinzi baciye bacana umuriro, bahagarara i ruhande yawo bota. Petero na we nyene ahagararana na bo yota.

Yohana 18:18 Referans Kwoze

Mariko 14:54

Petero amuja inyuma barenga arenguka, ashika imbere mu rugo rw’umuherezi mukuru; yicarana n’abagendanyi yota umuriro.

Yohana 18:25

Simoni Petero yar’ ahagaze yōta; nuko baramubaza, bati Mbega nawe uri mu bigishwa biwe? Na we arahakana, at’ Oya, sindimwo.

Yohana 21:9

Bafashe i musozi, babonah’ umuriro w’amakara n’ifi zigeretseko, n’umutsima.

Mariko 14:67

abonye Petero yota umuriro, aramwitegereza, aramubgira, ati Nawe nyene mwari kumwe na wa Munyanazareti Yesu.

Imigani 13:20

Gendana n’abanyabgenge, nawe uzogira ubgenge, Arik’ ūcudika n’ibipfu azokomereka.

Zaburi 1:1

Hahirwa umuntu atagendera mu nama z’ababi, Adahagarara mu nzira y’abanyavyaha, Aticarana n’abacokoranyi.

Itanguriro 49:6

Mushaha wanje, ntukaje mu nama zabo; Mutima wanje, ntugafatanye n’ikoraniro ryabo: Kuk’ uburake bgabo bgabateye kwica abantu, Bagatema n’ibitsi vy’inka kugira ngo bīmare ishavu.

1 Korinto 15:33

Ntimuzimire: kubana n’ababi kwonona ingeso nziza.

Ivyakozwe 4:23

Nuko barekuwe basubira muri bagenzi babo, babīgānira ivyo abaherezi bakuru n’abakuru bababgiye vyose.

1 Abami 19:9

Ashitseyo, yinjira mw isenga, abaho; maz’ ijambo ry’Uhoraho rimuzako, riramubaza, rit’ Ukora iki hano ga Eliya?

Luka 22:44

Arushirije kwicwa n’umubabaro, ashishikara gusenga cane, icuya ciwe kiba nk’ibitonyanga binini vy’amaraso bitonyanga hasi.

Yohana 18:3

Nuko Yuda amaze guhabga n’abaherezi bakuru n’Abafarisayo ingabo z’abasoda, bo n’abagendanyi, ajayo, bari n’amatara n’ibimuri n’ibirwanishwa.