Yohana 17:15 - Bibliya Yera 1951 1967 (Burundi)

¹⁵ Singusaba ng’ ubakūre mw isi, ariko ng’ ubarinde wa Mubi.

Bibiliya mu Kirundi coroshe

¹⁵ Sindagusavye ngo ubakure mw’isi, ariko ndagusavye ngo ubarinde wa mubi.

Yohana 17:15 Referans Kwoze

Zaburi 121:7

Uhoraho azokurinda ikibi cose; Ni we azozigama ubugingo bgawe.

1 Yohana 5:18

Turazi yuk’ umuntu wese avyawe n’Imana adakora ivyaha, arik’ umwe yavyarwa n’Imana aramuzigama, kandi wa Mubi ntamukorako.

2 Tesalonike 3:3

Ariko, Umwami n’uwo kwizigirwa, ni we azobashinga neza abarinde wa Mubi.

Galatiya 1:4

yitangiye ivyaha vyacu, ngw aturokore mur’ iki gihe kibi ca none, nk’ukw Imana yacu yagomvye, ni yo Data we twese.

Matayo 6:13

kandi ntutujane mu bitwosha nabi, arik’ udukize wa Mubi. [Kuk’ ubgami n’ubushobozi n’icubahiro ar’ ivyawe ibihe bidashira. Amen.]

1 Ivyo ku Ngoma 4:10

Yabesi atakambira Imana y’Abisirayeli, at’ Icompa ukampa umugisha, ukūngura urubibe rwanje, ukuboko kwawe kukagenda kundamira, ukandinda ivyago, singorwe! Nukw Imana imuha ivyo yasavye.

Luka 11:4

uduharire ivyaha vyacu, kuko natwe duhebera abari n’imyenda yacu bose; kandi ntutujane mu bitwosha nabi.

Zaburi 30:9

Nti Mbeg’ amaraso yanje azomara iki, ni namanuka nkaja muri rwa rwobo? Non’ umukungugu uzoguhimbaza? Mbeg’ uzokwatura ukuri kwawe?

2 Timoteyo 4:8

Ibisigaye, mbīkiwe igitsibo c’ukugororoka, ico Umwami wacu, umucamanza agororotse, azompa kuri wa musi, kandi si jewe jenyene nzogihabga, ariko kandi n’abakunze kuzoseruka kwiwe bose bazogihabga.

Yesaya 57:1

Umugororotsi arikw araherengetera, kandi nta wubishirak’ umutima; abubaha Imana bariko barakūrwaho, kandi nta wubibabaye. Umugororotsi akūwe mu vyago,

Itanguriro 48:16

umumarayika yandokoye mu vyago vyose, ihe aba bahungu umugisha; ni bitirirwe izina ryanje, n’irya sogokuru Aburahamu n’irya data Isaka; barakarondoka, babe benshi cane mw isi.

Matayo 5:37

Arikw ijambo ryanyu ribe Ego, ego; Oya, oya: ikirenze ivyo kiva kuri wa Mubi.

Umusiguzi 9:10

Ikintu cose ukuboko kwawe kwerekeje gukora ugikorane inkomezi zawe; kukw ata gikorwa cank’ inama cank’ ukumenya cank’ ubgenge i kuzimu ah’ urāriye kuja.

Luka 22:32

ariko wewe nagusengeye ng’ukwizera kwawe ntiguhere. Nawe ni wamara guhinduka, uz’ uremeshe bagenzi bawe.

1 Yohana 5:19

Turazi yuko tur’ ab’ Imana, kand’ isi yose iri muri wa Mubi.