Yohana 13:5 - Bibliya Yera 1951 1967 (Burundi)

⁵ araheza asuka amazi mu mubehe, atangura kwoza ibirenge vy’abigishwa, no kubihanaguza icambazo akenyeje.

Bibiliya mu Kirundi coroshe

⁵ Ahejeje, afata amazi ayasuka mw’ibesani, atangura kwoza ibirenge vy’abigishwa biwe, abihanaguza ca gitambara yakenyera.

Yohana 13:5 Referans Kwoze

Luka 7:44

Ahindukiriye wa mugore, abgira Simoni, at’ Urabona uyu mugore? Ninjiye mu nzu yawe, ntiwampa amazi yo kwoga ibirenge: arik’ uyu antonyangirije amosozi ku birenge, abihanaguza umushatsi wiwe.

Zaburi 51:2

Unyuhagire rwose ukugabitanya kwanje, Unyoze icaha canje.

Itanguriro 19:2

arababarira, ati Batungwa, ndabinginze ni muze i wanje ku musavyi wanyu, muharāre iri joro, mwoge ibirenge, buce mwizindukira, mufate inzira, mugende. Baramwishura, bat’ Oya, turarāra mw ibarabara buce.

1 Timoteyo 5:10

handikwe ūshimirwa ibikorwa vyiza, namba yararera abana, namba yaratanga indāro, yarōza ibirenge vy’abera, yarafasha abababaye, yarashishikara gukurikira ibikorwa vyiza vyose.

Itanguriro 18:4

nuko bazane utuzi mwoge ibirenge, muruhukire musi y’igiti:

Ivyahishuwe 7:14

Ndamwishura, nti Mugenzi, ni wewe wobimenya. Arambgira, at’ Aba n’abāvuye muri wa mubabaro mwinshi, kandi bamesuye imvune zabo bazezesha amaraso ya wa Mwagazi.

Abaheburayo 10:22

twegereze dufise imitima y’ukuri, twizeye ata mazinda, imitima yacu icucagiwe ngw ivanwemw’ ibitwagiriza bibi, imibiri yacu yuhagijwe amazi meza.

Abanyefeso 5:26

ngw aryeze, aryogesheje amazi n’ijambo,

1 Korinto 6:11

Kandi bamwe muri mwebge ni ko mwari muri: ariko mwaruhagiwe, ariko mwarejejwe, ariko mwatsindanishirijwe mw izina ry’Umwami Yesu Kristo no muri Mpwemu w’Imana yacu.

Ivyakozwe 22:16

Non’ ikigutevya n’iki? Va hasi, ubatizwe, wiyuhagire ivyaha vyawe, wambaze izina ryiwe.

2 Abami 3:11

Yehoshafati arabaza, ati Mbega nta wuvugishwa n’Uhoraho yoba ngaha, ngw adusigurize Uhoraho? Umwe mu bantu b’umwami w’ Abisirayeli aramwishura, ati Elisa mwene Shafati ari hano, yahora ar’ umusuku wa Eliya.

1 Samweli 25:41

Ava hasi arūnama, yicisha bugufi, aravuga, at’ Ehe nd’ incoreke yawe, umuja wo kwoza ibirenge vy’abantu ba databuja.

Abalewi 14:8

Nyene guhumanurwa aheze amesure impuzu ziwe, yimoshe ahamera umushatsi hose, yiyuhagire, azoba ahumanutse, abone kugaruka aho mushagaje; arikw amare imisi ndwi abe hanze inyuma y’ihema ryiwe.

1 Yohana 5:6

Ni we Yesu Kristo yaje agaca mu mazi no mu maraso: si mu mazi yonyene, ariko ni mu mazi no mu maraso.

1 Yohana 1:7

Ariko tugendeye mu muco, nk’uko na yo iri mu muco, tuba dufatanije ubgacu, kand’ amaraso ya Yesu Umwana wayo atwoza icaha cose.

Yohana 19:34

arik’ umwe mu basoda amucumita icumu mu rubavu; ako kanya hava amaraso n’amazi.

Luka 7:38

ahagarara inyuma yiwe, hafi y’ibirenge vyiwe, arira, atangura kumutonyangiriza amosozi ku birenge, abihanaguza umushatsi wiwe, arabisomagura, abisīga ya mavuta.

Zekariya 13:1

Kur’ uwo musi ab’inzu ya Dawidi n’ababa i Yerusalemu bazotoborerwa imbizi yo kubōza ivyaha n’ibihumane.

EZEKIYELI 36:25

Kandi nzobamijakw amazi meza, mushire imvyiro: nzoboza imyanda yanyu yose, n’ibigirwamana vyanyu vyose.

Ivyahishuwe 1:5

no kuri Yesu Kristo, icabona co kwizigirwa, imfura y’abari barapfuye, ūganza abami bo mw isi. Umwe adukunda, yatubohoje ivyaha vyacu amaraso yiwe,

Yesaya 1:16

Ni mwiyuhagire, mwitunganye, mukūreh’ ibibi vyo mu bikorwa vyanyu bive mu nyonga zanje; mureke gukora ibibi,

Kuvayo 29:4

Kandi Aroni n’abana biwe uz’ ubazane ku muryango w’ihema ry’ibonaniro, ubūhagirireho.

Yohana 13:10

Yesu aramubgira, at’ Uwari yiyuhagiye nta kindi agomba, atar’ ukwoga ibirenge, kukw aba akeye umubiri wose: namwe murakeye, ariko si mwese.

Yohana 13:8

Petero aramubgira, ati Nta ho uzokwigera unyoza ibirenge gushitsa ibihe vyose. Yesu aramwishura, ati Ni ntakwoza, nta ho tuzoba duhūriye.

Itanguriro 43:24

Nuko wa mugabo yinjiza abo bantu mu nzu ya Yosefu, abaha amazi, boga ibirenge, agaburira n’ indogoba zabo.

Abacamanza 19:21

Nukw abajana i we, agaburira izo ndogoba; nuko bamaze kwoga ibirenge, bararya baranywa.

Yohana 13:6

Nukw ashika kuri Simoni Petero, na we aramubaza, ati Mugenzi, ni wewe unyoza ibirenge?