Yohana 12:15 - Bibliya Yera 1951 1967 (Burundi)

¹⁵ ngo Nta co utinya, mukobga w’i Siyoni, rāba, Umwami wawe araje, ari ku nyana y’indogoba.

Bibiliya mu Kirundi coroshe

¹⁵ “Ntutinye, Mukobwa w’i Siyoni; raba, umwami wawe araje, yicaye ku nyana y’indogoba.”

Yohana 12:15 Referans Kwoze

Zekariya 9:9

Nezerwa cane, wa mukobga w’i Siyoni we! Sēsereza impundu, wa mukobga w’i Yerusalemu we! Rāba, umwami wawe aje kuri wewe, n’umugororotsi, kand’ ari n’inganji; yicishije bugufi, agendera ku ndogoba, mbere ni ku mukangara, inyana y’indogoba.

Yesaya 62:11

Rāba, Uhoraho yabariye abo ku mpera y’isi, ati Ni mubgire umukobga w’i Siyoni, muti Rāba, agakiza kawe karaje; rāba, araje azanye impēra, kand’ inyishu yiwe ir’imbere yiwe.

2 Samweli 16:2

Umwami abaza Ziba, at’ Ibi n’ivy’ iki? Ziba aramwishura, at’ Indogoba n’izo kugira ngw abo mu rugo rwawe bazigendereko, mugenzi; imitsima n’ amatunda na vyo n’induhuro y’ imikangara, vino na yo n’iyo guhēmbūra abazogwira isari mu bugaragwa.

Mika 4:8

Nawe, mutara wo kurābirak’ umukuku, umusozi w’umukobga w’i Siyoni, ya nganji izoza kuri wewe: imwe ya mbere izokugarukako, bga bgami bg’umukobga w’i Yerusalemu.

Yesaya 41:14

Ntutinye, musiba we Yakobo, namwe nkehwa z’ Abisirayeli; nzogutabara, ni k’ Uhoraho agize; kand’ Uwera w’ Abisirayeli ni we mucunguzi wawe.

1 Abami 1:33

Umwami arababarira, ati Ni mujane ingabo zanje, kandi mushire umwana wanje Salomo ku nyumbu yanje bgite, ayigendereko, mumumanukane i Gihoni;

Abacamanza 12:14

Kandi yar’ afise abahungu mirongwine n’abuzukuru mirongwitatu, bāgendera ku ndogoba mirongwirindwi; amara imyaka munani acira imanza Abisirayeli.

Abacamanza 5:10

Yemwe abagendera ku ndogoba z’ibihororo, Yemwe abīshānyāngira ku mikeka myiza, Yemwe abari ku nzira, ni muririmbe.

Gusubira mu Vyagezwe 17:16

Ikibujijwe, ntaze yironderere amafarasi menshi, canke ngw agire abantu atuma muri Egiputa kugira ngo yironkere umukimba w’amafarasi; kuk’ Uhoraho yababariye, ati Ntimuze musubire kujana iyo nzira ukundi.

2 Samweli 15:1

Hanyuma y’ivyo, Abusalomu yironderera umukogote n’amafarasi, n’abantu mirongwitanu bo kumwiruka imbere.

Matayo 21:5

ngo Mubgire umukobga w’i Siyoni, Muti Rāba, Umwami wawe aje kuri wewe, Ar’ umutekerezi, agendera ku ndogoba, Mbere ni ku mukangara, inyana y’indogoba.

Yohana 12:14

Kandi Yesu abonye inyana y’indogoba, ayicarako, nk’uko handitswe,