Yohana 10:6 - Bibliya Yera 1951 1967 (Burundi)

⁶ Yesu abacira uwo mugani, ariko bo ntibatahura ivyo ababgira ivy’ ari vyo.

Bibiliya mu Kirundi coroshe

⁶ Ivyo Yesu yabibabwiye mu mugani, kandi abamwumviriza ntibashoboye gutahura ico ashatse kuvuga.

Yohana 10:6 Referans Kwoze

Yesaya 56:11

Mbere n’imbga z’ ibigunya, zitigera zihāga; kand’ abo bameze bartyo n’abungere! Nta co bashobora gutahura; bose bījaniye inzira zabo ubgabo, umuntu wese yironderera inyungu impande zose.

Imigani 28:5

Abantu babi ntibatahura ibiroranye, Arikw abarondera Uhoraho batahura vyose.

Zaburi 82:5

Abo mbgiye nta co bazi, nta co batahura, Bagendagenda mu mwiza: Amatanguriro yose y’isi aranyiganyiga.

Yohana 16:25

Ivyo mbibabgiriye mu migani, arikw igihe kizoza sinzoba ngisubira kuvuganira namwe mu migani, mugabo nzobabgira ivya Data mbifoboye.

Matayo 13:51

Mbeg’ ivyo murabitahuye vyose? Baramwishura, bat’ Ego me.

Daniyeli 12:10

Benshi bazotunganywa, bezwe, bavugutirwe; arikw abanyakibi bazoshishikara gukora ikibi, kandi nta n’umwe mu banyakibi azobitahura; arikw abāgize ubgenge bazobitahura.

Zaburi 106:7

Ba sogokuruza ntibātahuye ibitangaza vyawe wakoreye muri Egiputa; Ntibibutse isinzi ry’imbabazi zawe, Ariko bagaraririza ku kiyaga, ni co Kiyaga Gitukura.

1 Yohana 5:20

Kandi tuzi yuk’ Umwana w’Imana yaje, akaduha ubgenge ngo tumenye Iy’ ukuri, kandi turi mu Y’ukuri, turi mu Mwana wayo Yesu Kristo. Iyo ni yo Mana nyakuri, n’ubugingo budashira.

1 Korinto 2:14

Arik’ umuntu afise umubiri n’ubgenge gusa ntiyemera ivya Mpwemu w’Imana: kukw ar’ ubupfu kuri we, kandi ntashobora kubimenya, kuko vyitegerezwa mu buryo bg’impwemu.

Yohana 8:43

N’iki gituma mutamenya imvugo yanje? N’uko mudashobora kwumva ijambo ryanje.

Yohana 8:27

Ariko bo ntibāmenya yukw ababgiye Se.

Yohana 7:36

Mbeg’ iryo jambo atubgiye n’iriki, ngo Muzondondera, ariko ntimuzombona, kandi ngw Iyo nzoba ndi mwebge ntimuzoshobora gushikayo?

Yohana 6:60

Nuko benshi mu bigishwa biwe bavyumvise, baravuga, bat’ Iryo jambo riragoye: har’ uworyumva akarishobora?

Yohana 6:52

Abayuda batanakw ibirake, bat’ Uyu ashobora ate kuduha umubiri wiwe ngo tuwurye?

Matayo 13:34

Ivyo vyose Yesu yabibgiye ishengero mu migani, nta co yababgiye atabaciriye umugani.

Mariko 4:34

Kand’ atabaciriye umugani nta co yababgira, ariko yihereranye n’abiwe bigishwa akabibasobanurira vyose.

Yohana 16:29

Abigishwa biwe baravuga, bat’ Ubuho urabifoboye, nta mugani uduciriye.

2 Petero 2:22

Ivyabashitseko n’ivy’ uyu mugani w’ukuri ngw Imbga isubiye ku vy’ idashwe; kandi, ngw Ingurube yuhagiwe isubiye kwivurunga mu vyondo.