Yohana 10:27 - Bibliya Yera 1951 1967 (Burundi)

²⁷ Abābaye intama zanje bumva ijwi ryanje, nanje ndabazi, na bo barankurikira,

Bibiliya mu Kirundi coroshe

²⁷ Intama zanje zumva ijwi ryanje; ndazizi na zo zirankurikira.

Yohana 10:27 Referans Kwoze

Yohana 10:16

Kandi mfise n’izindi ntama zitar’ izo mur’ uru rugo, na zo nyene birankwiye kuzija imbere, zizokwumva ijwi ryanje, hazoba umukuku umwe n’umwungere umwe.

Yohana 10:14

Ni jewe mwungere mwiza, ndazi izanje, n’izanje ziranzi,

Ivyahishuwe 3:20

Ehe mpagaze ku rugi, ndaramukije. Umuntu ni yumva ijwi ryanje, akugurura urugi, ndinjira i we, dusangire.

1 Korinto 8:3

Arik’ ūkunda Imana ni we amenywa na yo.

Abaheburayo 3:7

Nuko, nk’uko Mpwemu Yera avuga, at’ Uyu musi aho mwumvira ijwi ryayo,

Yohana 5:25

N’ukuri, n’ukuri ndababgire: Igihe kiza, kandi kirashitse, ah’ abapfuye bazokwumvira ijwi ry’Umwana w’Imana, kand’ abazoryumva bazoba bazima.

Yohana 8:12

Yesu yongera kubabgira, ati Jewe nd’ umuco w’isi, ūnkurikira nta ho azogenda mu mwiza, arikw azogira umuco w’ubugingo.

Galatiya 4:9

ariko none, ko mwamenye Imana, cane‐cane ko mwamenywe na yo, n’iki catumye musubira inyuma mugahindukirira ivya mbere vya goyi‐goyi, bitagira ikimazi, mukagomba kubijakarira ukundi gusha?

Yohana 10:8

Abanyītangiye imbere bose bār’ ibisuma n’abambuzi, arikw intama ntizabumviye.

Yohana 12:26

Ni hagira ūnkorera, n’ankurikire, kand’ aho nzoba ndi, umukozi wanje ni ho azoba: ni hagira ūnkorera, Data azomuha icubahiro.

Yohana 8:43

N’iki gituma mutamenya imvugo yanje? N’uko mudashobora kwumva ijambo ryanje.

1 Abami 18:21

Nuko Eliya yēgēra abantu bose, arababarira, ati Muzogeza ryari kuba ba nyamujiryanino? Asangw’ Uhoraho ari we Mana, ni mumukurikire; na ho nyene ni yaba Bayali, abe ari yo mukurikira. Abantu ntibamwishura ijambo na rimwe.

Luka 9:23

Abgira bose, at’ Umuntu ni yagomba kunkurikira, ni yiyanke, yikorere umusaraba wiwe uko bukeye, ankurikire.

Matayo 17:5

Akivuga, haza igicu gikayangana, kibatera igitūtu; kand’ ijwi riva muri nya gicu, riti Nguyu Umwana wanje nkunda, akampimbara; ni mumwumve.

2 Timoteyo 2:19

Arikw itanguriro ry’Imana ryo kwubakako rirakomeye, ryanditswekw iki kimenyetso, ng’ Uhoraho arazi abiwe; kandi ng’ Umuntu wese avuga izina ry’Uhoraho ave mu kugabitanya.

Yohana 21:22

Yesu aramwishura, ati Namba ngomba kw azogumaho kugeza aho nzozira, upfa iki? Wewe nkurikira.

Luka 13:27

Azobabgira, ati Ndababgire, sinzi iyo muvuye; mviraho, mwa bakora ibizira mwese mwe.

Mariko 8:34

Ahamagara ishengero bo n’abigishwa biwe, arababgira, at’ Umuntu ni yagomba kunkurikira, ni yiyanke, yikorere umusaraba wiwe, ankurikire;

Matayo 25:12

Na we arabishura, ati Ndababgire ukuri: Simbazi.

Matayo 16:24

Buno Yesu abgira abigishwa biwe, at’ Umuntu ni yagomba kunkurikira, ni yiyanke, yikorere umusaraba wiwe, ankurikire.

Matayo 7:23

Ni ho nzobajinjiburira, nti Nta ho nigeze mbamenya; mviraho, mwa bakora ibizira mwe.

Ivyahishuwe 14:4

Abo ni bo batandujwe n’icitwa umugore, kuko bābaye nk’inkumi. Abo ni bo bakurikira wa Mwagazi ah’ aja hose. Abo bācunguwe mu bantu, kugira ngo babe umushuzo ku Mana no kuri wa Mwagazi.

Ivyakozwe 3:23

Kand’ umuntu wese atazokwumvira uno avugishwa n’Imana, azorandurwa mu bantu.

Mariko 10:21

Yesu amwitegereje aramukunda, aramubgira, at’ Uhajije kimwe: genda, ushōre ivy’ utunze vyose, ugabire aboro, ni ho uzogira itunga mw ijuru, utek’ uze, unkurikire.

Yesaya 66:22

Kuko nk’ukw ijuru risha n’isi nsha, ivyo nzorema, bizohorah’ imbere yanje, ni k’ uruvyaro rwawe n’izina ryawe bizohoraho, ni k’Uhoraho agize.