Yohana 1:10 - Bibliya Yera 1951 1967 (Burundi)

¹⁰ Yari mw isi, kand’ isi yaremwe na we, arikw isi ntiyamumenya;

Bibiliya mu Kirundi coroshe

¹⁰ Jambo yari mw’isi kandi isi yaremwe na we, ariko ab’isi ntibamumenye.

Yohana 1:10 Referans Kwoze

Yohana 17:25

Data ugororotse, isi ntiyakumenye, ariko jewe narakumenye, n’aba na bo bamenye kw ari wewe wantumye.

1 Yohana 3:1

Murābe urukundo uko rungana Data wa twese yatugiriye, ko twitwa abana b’Imana; kandi ni ko turi. Ni co gituma ab’ isi batatuzi, kuko batayimenye.

1 Korinto 2:8

Kandi mu baganza b’iki gihe nta wabumenye: iyo baba bārabumenye ntibaba bārabamvye Umwami w’icubahiro.

1 Korinto 1:21

Kuko nah’ ubgenge bg’Imana bgageze yukw ab’ isi batazohabga n’ubgenge bg’isi kumenya Imana, Imana yahimbawe gukirisha abayizera ubupfu bg’ivyigishwa.

Matayo 11:27

Vyose nabihawe na Data, kandi nta wuzi Umwana, atari Data, na Data, nta wumuzi, atar’ Umwana, n’uwo Umwana agomba kumuhishurira.

Abaheburayo 11:3

Ukwizera ni kwo kutumenyesha yukw isi yaremwe n’ijambo ry’Imana, ni co catumye ibiboneka bitāremwe mu biseruka.

Yohana 1:18

Nta muntu yigeze kubona Imana na rimwe; Umwana w’ikinege aba mu gikiriza ca Se ni we yayimenyekanishije.

Yohana 1:5

Uwo muco wākira mu mwiza, arik’ umwiza ntiwawākiriye.

Ivyakozwe 14:17

Ariko ntiyabirekeye ngaho, itagira ico kuyishingira intahe, kuko yama ibagirira neza, ibaha imvura iva mw ijuru, n’ibihe vy’ivyimburo vyiza, ibahāza ivyo kurya, yuzuza imitima yanyu umunezero.

Yohana 5:17

Yesu arababgira, ati Data arakora kugeza n’ubu, nanje ndakora.

Itanguriro 16:13

Uhoraho avuganye na we, Hagari amwita izina, at’ Ur’ Indavyi; ati Mbeg’ aha hantu koko ndahaboneye Iyimbona?

Itanguriro 18:33

Uhoraho aca arīgīra, ahejeje kuvugana na Aburahamu; Aburahamu na we asubira i we.

Itanguriro 17:1

Aburamu amaze imyaka mirongwicenda n’icenda, Uhoraho aramubonekera, aramubarira, ati Ni jewe Mana Ishobora vyose; uhore ugendera imbere yanje, kand’ utungane rwose.

Yesaya 53:3

Yarakēngērwa, agahurwa n’abantu; yar’ umunyamibabaro, yar’ azi intimba ic’ ari co; yakēngērwa nk’umuntu abandi bahisha mu maso habo, natwe nta co twamwibajijeko.

Yohana 1:3

vyose vyaremwe na we, mu vyaremwe vyose nta kintu na kimwe kitaremwe na we.

Yohana 1:11

yaje mu vyiwe, arikw abiwe ntibāmwākiriye.

1 Korinto 8:6

ariko kuri twebge har’ Imana imwe, Data wa twese, yandurukwamwo na vyose, natwe twabesherejweho kuba abayo: kandi har’ Umwami umwe, ni Yesu Kristo, abeshaho vyose, natwe akatubeshaho.

Kolosayi 1:16

kuko muri we ari ho vyose vyaremewe, ivyo mw ijuru n’ivyo mw isi, ibiboneka n’ibitaboneka, ur’ intebe z’icubahiro, ur’ ubgami, ur’ ubukuru, ur’ ububasha: vyose vyaremwe na we, biremerwa kuba ivyiwe.