Yakobo 4:2 - Bibliya Yera 1951 1967 (Burundi)

² Murifuza, ariko ntimuhabga: murica, mugira ishari, ariko ntimushobora kuronka; murarwana muratabara. Ntimuhabga kuko mudasaba:

Bibiliya mu Kirundi coroshe

² Murashaka kuronka ikintu ntimukironke, mugaca mwica kugira ngo mukironke. Muripfuza, ariko ntimushobora kuronka ico mwipfuza, mugaca mutongana mbere mukanagwana. Ntimuronka ivyo mukeneye kuko mutabisaba Imana.

Yakobo 4:2 Referans Kwoze

Yohana 16:24

Kugeza ubu nta co mwasavye mw izina ryanje; musabe muzohabga, ng’umunezero wanyu wuzuzwe.

Yakobo 1:5

Arikw asangwa har’ uwo muri mwebge akennye ubgenge, n’abusabe Imana, igabira bose ata kinūbge, idaterana imirarwe, azobuhabga.

Yohana 4:10

Yesu aramwishura, at’ Iy’ uba war’ uzi ingabire y’Imana, ukamenya n’ūgusavye ngo Mpa utwo kunywa uw’ ari we, nawe uba umusavye, na we akaguha amazi y’ubugingo.

Imigani 1:19

Uko ni kw inzira zimeze z’ umuntu wese w’ikirara ku nyungu: Inyungu ikūrah’ ubugingo bga ba nyene yo.

Habakuki 2:5

Kand’ ikindi, abo bantu n’imborerwa, n’abantu bihayagiza, bataragama i wabo; baromoye nk’i kuzimu, bameze nk’urupfu, ntibahāga; ariko biyegeranirizakw amahanga yose, bakikumakumirakw amoko yose.

Yesaya 7:12

Ariko Ahazi arishura, ati Sinocaka, kandi sinogerageza Uhoraho.

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Yakobo 5:6

Umugororotsi mwamuciriyekw iteka, muramwica, ntiyabarwanya.

1 Yohana 3:15

Uwanka mwene Data wundi n’umwicanyi; kandi murazi yukw ata mwicanyi yogira ubugingo budashira ngo bugume muri we.

1 Abami 21:6

Aramwishura, at’ Ikimbabaje n’uko nabariye Naboti w’i Yezireli, nti Mpa urwo ruzabibu rwawe ndarugure, nti Canke ndaguhe urundi mu gishingo carwo; akambarira kw atampa uruzabibu rwiwe.