Yakobo 2:6 - Bibliya Yera 1951 1967 (Burundi)

⁶ Ariko mweho mwatētereje umworo. Non’ abatunzi si bo babatwaza amanyama, bakaba ari bo babakwega babajana mu manza?

Bibiliya mu Kirundi coroshe

⁶ Ariko mwebwe mutetereza umukene! Mbega si abatunzi babacuranguza bongera babashengeza mu bucamanza?

Yakobo 2:6 Referans Kwoze

Imigani 17:5

Ūcokora umworo aba agaye Umuremyi wiwe, Kand’ ūnezerezwa n’ivyago vy’ uwundi ntazobura guhanwa.

1 Korinto 11:22

Mbega yemwe: ntimufise ingo zo kurīramwo no kunyweramwo? Canke mukēngēra ishengero ry’Imana, mugatētereza abadafise? Ndababgire iki? Ndabashime? Kur’ ivyo simbashima.

Imigani 14:31

Ūnyikije umugorwa aba agaye Umuremyi wiwe, Arik’ ūgirira ikigongwe agakene, uwo we aba amwubashe.

Zaburi 14:6

Imigabo y’umugorwa murayitētereza, Arik’ Uhoraho n’ubuhungiro bgiwe.

Yakobo 5:4

Eh’ ingero z’abashwabuzi bābashwaburiye imirima, izo mwabagunze, zirataka: amaborogo y’abābashwaburiye yinjiye mu matwi y’Uhoraho Nyen’ ingabo.

Yakobo 2:3

namwe mukitegereza uwambaye impuzu zishajije, mukamubarira, muti Ni wicare hano heza; kandi mukabarira nya mworo, muti Weho hagarara hariya, cank’ icara hambavu y’ibirenge vyanje;

Ivyakozwe 17:6

Bababuze, bakwegera Yasona na bene Data bamwe imbere y’abaganza igisagara, barasemerera, bat’ Abāteye isi yose umugūmūko bashitse n’ino,

Ivyakozwe 13:50

Arikw Abayuda bosha abagore b’icubahiro bubaha Imana, n’abakuru bo mur’ ico gisagara, bavyurira akadenderezo Paulo na Barunaba, babirukana mu ntāra yabo.

Ivyakozwe 8:3

Ariko Sauli yatikiza ishengero; yinjira mu mazu yose, agakūramw’ abagabo n’abagore, akabashira mw ibohero.

Zekariya 7:10

Kandi mureke kurya abapfakazi n’impfuvyi n’ingenzi na ba nyarucari; ntihagire n’umwe muri mwebge yīgīra imigabo mu mutima wiwe yo kugirira nabi mugenzi we.

Amosi 5:11

Nuko rero, ko mwasiribanze umurushwa, mukamutoza utugano twiwe; amazu mwiyubakishirije amabuye abajwe, ntimuzoyabamwo; imirima myiza y’imizabibu mwateye, ntimuzonywa vino zayo.

Umusiguzi 5:8

Ni wabona umworo ahahazwa, kand’ urubanza n’ibiroranye vyicwa ku manyama mu gihugu, ntibize bigutangaze: kukw Iyirusha abakuru ubukuru ivyitegereza, kandi har’ ubukuru bubarengeye.

Imigani 22:16

Ūnyikiza umugorwa aba amugwirije, Kand’ ūgabira umutunzi, aba amukehereje.

Zaburi 12:5

Kubgo kunyagwa kw’umugorwa, kubgo kwitsa umutima kw’umukene, Ubu nyene ndahaguruka, ni k’Uhoraho agize, Ndashira uwo bakanira ahatagira inkomanzi.

Zaburi 10:14

Warabibonye, kuk’ urāba ukugira nabi n’inzigo, kugira ng’ ubishire mu kuboko kwawe; Umurushwa yegamira wewe wenyene; Ni wewe mutabazi w’impfuvyi.

Yakobo 5:6

Umugororotsi mwamuciriyekw iteka, muramwica, ntiyabarwanya.

Ivyakozwe 18:12

Maze Galiyo abaye icēgēra ca Kayisari muri Akaya, Abayuda bahūza inama bakūrira hasi Paulo, bamujana imbere y’intebe y’imanza,

Habakuki 3:14

Wasogotesheje umugabisha w’ ingabo ziwe ibimīto vyawe; Baje kudushwiragiza bameze nk’agashururu; Umengo vyarabahimbara kuyongobeza umugorwa mu mpisho.

Amosi 4:1

Ni mwumve iri jambo, yemwe mwa mahogazi y’i Bashani, muba ku musozi Samariya, yemwe abahahaza abagorwa, mukavungavunga abakene, mukabarira abanega banyu, muti Ni muzane tunywe!

Yesaya 53:3

Yarakēngērwa, agahurwa n’abantu; yar’ umunyamibabaro, yar’ azi intimba ic’ ari co; yakēngērwa nk’umuntu abandi bahisha mu maso habo, natwe nta co twamwibajijeko.

Zaburi 10:10

Abunda, amase hasi, Abahizi biwe batūra hasi umurushwa.

Zaburi 10:8

Yicara mu bibundo vyo mu mihana, Mu biryamo ni ho yicira abatagira igicumuro: Amaso yiwe ayatatisha umurushwa.

Zaburi 10:2

Ubgibone bg’umunyakibi butuma akinagiza umugorwa; N’agwe mu mutego w’imigabo yīgīriye.

Yobu 20:19

Kuko yahahaje aboro, akabīrengagiza; Yinjiye urugo atubatse.

Yohana 8:49

Yesu arabishura, ati Jewe sindimwo dayimoni, ariko nubaha Data, namwe ntimunyubaha.

Imigani 18:23

Umworo akoma ibōbo, Arik’ umutunzi we yishurana ubugabo.

Imigani 22:7

Umutunzi atwaza aboro amanyama, Kand’ uwariye umwenda aba umushumba w’uwo yawuririye.