Umusiguzi 8:10 - Bibliya Yera 1951 1967 (Burundi)

¹⁰ Kand’ ikigeretseko nabonye abanyavyaha bahambga, bīgīriye; n’abakoze ibiroranye bīgīra bavuye ahantu hēra, bakibagirana mu gisagara: ivyo na vyo nyene n’ ubusa.

Umusiguzi 8:10 Referans Kwoze

Umusiguzi 9:5

Ereg’ abariho baba bazi ko bazopfa; arikw abapfuye nta co baba bakizi, kandi nta mpēra baba bakibona; kuko kwibukwa kwabo kuba kwaramaze kwibagirana.

Umusiguzi 2:16

Ar’ umunyabgenge, ar’ igipfu, nta wuzohora yibukwa ibihe vyose; kuko mu misi izoza bose bazoba bamaze kwibagirana. Ereg’ umunyabgenge apfa nk’ukw igipfu gipfa na co!

Imigani 10:7

Kwibuka umugororotsi kurimw’ umugisha, Arikw izina ry’umunyavyaha rizozimangana.

Abaheburayo 10:38

Ariko, umugororotsi wanje azobeshwaho n’ukwizera, Na ho ni yiyonjorora ntazohimbara umutima wanje.

Ivyakozwe 6:13

Bahagarika ivyabona vy’ibinyoma, baravuga, bat’ Uyu muntu nta ho ahumeka gutuka aha hantu hēra n’ivyagezwe:

Luka 16:22

Hanyuma rero wa mworo arapfa, abamarayika bamujana mu gikiriza ca Aburahamu: na nya mutunzi arapfa, arahambga.

Yeremiya 17:13

Ewe Uhoraho, vyizigiro vy’Abisirayeli, abagutaye bose bazorimarima; abakuvako bazokwandikwa mu mukungugu gusa, kuko bataye Uhoraho, ari we sōko y’amazi y’ ubugingo.

Umusiguzi 1:11

Ivy’ ibihe vyahise ntibicibukwa, kand’ ivy’ ibihe bizoza ntibizoba bicibukwa n’abazobikurikira.

Zaburi 31:12

Nibagiranye nk’uwapfuye, atacibukwa: Mmeze nk’ikibumbano kimenetse.

Yobu 21:18

Bakaba nk’ibishingwe bitwarwa n’umuyaga, Nk’umuguruka utumurwa n’ igihuhuta?

Umusiguzi 9:15

maze muri co haboneka umworo w’umunyabgenge, arokoza nya gisagara ubgenge bgiwe: yamara ntihaba hakigira umuntu yibuka wa mworo.