Umusiguzi 8:1 - Bibliya Yera 1951 1967 (Burundi)

¹ Ni nde ameze nk’umunyabgenge? Ni nde azi ukw ikintu gisobanurwa? Ubgenge bg’umuntu buzana umuco mu maso hiwe, bukahakūra iminkanyari.

Umusiguzi 8:1 Referans Kwoze

Ivyakozwe 6:15

Abicaye mw ikombe bose bamuhanze amaso babona mu maso hiwe, hasa n’ah’ umumarayika.

Gusubira mu Vyagezwe 28:50

ihanga rigendana ijisho rikaze, ritazosonera abashaje, canke ngo rigirire abana akagongwe.

2 Petero 1:20

irya mbere mukwiye kumenya, n’ukw ata jambo ry’abāvugishwa n’Imana ryo mu vyanditswe rishobora gusobanurwa nk’uk’ umuntu avyigombera,

2 Timoteyo 4:17

Arik’ Umwami wacu ni we yampagarikiye, arandemesha, kugira ng’ ubutumwa buvugwe nanje butagabanije, abanyamahanga bose babgumve. Nuko mva mu menyo y’intambge.

Ivyakozwe 4:29

Kandi none, Mwami, rāba agahahirizo kabo, uhe abasavyi bawe kuvuga ijambo ryawe bashize amanga rwose:

Ivyakozwe 4:13

Babonye ugushira amanga kwa Petero na Yohana, kandi babona ko batigishijwe, atar’ abanyabgenge, baratangara; maze bamenya ko bābana na Yesu;

Imigani 17:24

Ubgenge bur’ imbere y’ūkerebutse, Arikw amaso y’igipfu agenda ajarajara gushitsa ku mpera z’isi.

Yobu 33:23

Namba yoba kumwe n’umumarayika, Ari we mushikirwa umwe mu gihumbi, Wo kumenyesha umuntu ukw akwiye kugenza;

Abanyefeso 6:19

Kandi nanje nyene munsengere, kugira ngo mpabge insiguro uko mvuze kwose, mmenyekanishe nshize amanga ibanga ry’ubutumwa bgiza,

Matayo 17:2

Ahinduka ukundi imbere yabo, mu maso hiwe haka nk’izuba, impuzu ziwe zera nk’umuco.

Daniyeli 2:47

Nuk’ umwami abgira Daniyeli, ati N’ukuri Imana yanyu ni yo Mana nya mana, ni yo Shebuja w’abami, kandi ni yo ihishura amabanga, kuk’ ushoboye guhishura iryo banga.

Imigani 24:5

Umunyabgenge aba uw’ inkomezi, Mber’ umuntu aciye ubgenge yunguka ubushobozi.

Imigani 1:6

No ku gutahura umugani n’ikigereranyo, N’amajambo y’abanyabgenge n’ubupfindo bgabo bapfinda.

Itanguriro 40:8

Baramwishura, bati N’uko twarose inzozi, kand’ akaba ata wushobora kuzidusobanurira. Yosefu arabishura, ati Mbeg’ Imana si yo Nyene gusobanura? Enda ni muzindotorere.

Abaroma 13:5

Ni co gituma ukwiye kugamburuka, atari kubgo kurakirwa gusa, ariko no kubg’ ijwi ryo mu mutima.

Imigani 21:29

Umuntu w’umunyakibi nta dusoni agira mu maso, Arik’ umugororotsi yitondera inzira ziwe.

Kuvayo 34:35

Abisirayeli bakabona mu maso ha Mose haca ibibatsi; Mose akīsubizako wa mwitwikiro, gushitsa yongeye kwinjira ngw abonane n’Uhoraho.

Imigani 12:8

Umuntu ashimirwa ubgenge bgiwe nk’uko bungana, Arik’ ūfise umutima ugoramye baramugaya.

Daniyeli 2:22

ni yo ihishura ivy’ amabanga y’iyo bihera; ni yo izi ibiri mu mwiza, kand’ umuco ubana na yo.