Umusiguzi 2:7 - Bibliya Yera 1951 1967 (Burundi)

⁷ niguriye abagurano b’ abagabo n’abakobga, bavyarira abandi mu rugo rwanje; kandi nagize itunga ryinshi ry’amasho n’ imikuku kurusha abāntanguriye bose i Yerusalemu;

Umusiguzi 2:7 Referans Kwoze

Yobu 42:12

Nuk’ Uhoraho aha Yobu umugisha mu gihe c’amaheruka kuruta ica mbere: aronka intama ibihumbi cumi na bine, n’ ingamiya ibihumbi bitandatu, n’ inka zirima ibihumbi bibiri, n’ indogoba zivyara igihumbi.

Yobu 1:3

Itunga ryiwe ryar’ intama ibihumbi ndwi, n’ingamiya ibihumbi bitatu, n’inka igihumbi zirima, n’indogoba zivyara amajana atanu, n’abahinda mu rugo benshi cane; nuk’ uwo muntu yar’ ūhambaye gusumba abantu bose b’i burasirazuba.

Nehemiya 7:57

Abuzukuruza b’abasavyi ba Salomo n’aba: abo mu ba Sotayi, no mu ba Sofereti, no mu ba Perida,

Ezira 2:58

Abahawe ibango ry’ibikorwa vy’urusengero bose, bo n’abuzukuruza b’abasavyi ba Salomo, bose na bose bar’ amajana atatu na mirongwicenda na babiri.

2 Ivyo ku Ngoma 26:10

Kandi yubaka iminara no mu bugaragwa, yimbisha n’ivyobo vyinshi vyo kubīka amazi, kuko yar’ afise amasho menshi mu gihugu gishashe no mu biyaya; yar’ afise n’abarimyi n’abazi gutunganya imizabibu mu misozi no mu matongo amera cane, kuko yar’ umurimyi.

2 Abami 3:4

Kandi Mesha umwami w’i Mowabu yar’ umutunzi w’intama; yama ashikanira umwami w’Abisirayeli ubgoya bukemuwe ku bana b’intama ibihumbi ijana, n’ubg’ amapfizi y’intama ibihumbi ijana nyene.

1 Abami 4:23

n’ibimasa cumi vyagaburiwe neza, n’ ibindi mirongwibiri vyirishiriza, n’intama ijana, ukūyemw’ impongo n’ingeregere n’amafumberi, bo n’inkoko zagaburiwe neza.

Itanguriro 15:3

Arongera, at’ Erega nta ruvyaro wampaye, kand’ umunyarugo yavukiye i wanje ni we azotora ivyanje.

Itanguriro 14:14

Aburamu yumvise yuk’ uw’ i wabo yafashwe mpiri, ajana abanyarugo biwe bize kurwana, bāvukiye i we, amajana atatu n’icumi n’umunani, barabakurikira, babahambiriza i Dani.

Itanguriro 13:2

Kandi Aburamu yar’ umutunzi cane w’amasho n’imikuku n’amafeza n’amazahabu.

Luka 12:45

Arik’ uwo mushumba ni yibgira mu mutima wiwe, ati Databuja aracatevye kuza; maz’ agatangura gukubita abashumba n’incoreke, no kurya no kunywa no kuborerwa,

Ezira 2:55

Abuzukuruza b’abasavyi ba Salomo n’aba: abo mu ba Sotayi, no mu ba Hasofereti, no mu ba Peruda,