Umusiguzi 2:21 - Bibliya Yera 1951 1967 (Burundi)

²¹ Kuk’ umuntu mu butame bgiwe ari n’ubgenge n’ukumenya n’uburyo; yamar’ azobisigarana uwundi atābitamiye, bibe umugabane wiwe. Ivyo na vyo nyene n’ubusa, kandi n’ibara.

Umusiguzi 2:21 Referans Kwoze

Yeremiya 22:17

Ariko weho amaso yawe n’umutima wawe nta handi bitumbereye atar’ ukwifuza inyungu mbi, no kuvisha amaraso y’abatācumuye, no guhahaza, n’umuryano.

Yeremiya 22:15

Mbeg’ ubeshejwe ku ngoma n’uk’ urushije abandi kwubakisha amasederi? Mbega so ntiyabonye gufungura no kwuhira? Yamara we yaciye iziroranye n’izibereye; maze yibereye amahoro.

Umusiguzi 9:18

Ubgenge buruta ibirwanishwa vy’intambara, arik’ umunyavyaha umwe adabanganya ivyiza vyinshi.

2 Ivyo ku Ngoma 35:18

Ntihīgeze kuba umusi wa Pasika uhwanye n’uyo mu Bisirayeli, uhereye mu gihe c’uwavugishwa n’Imana Samweli; kandi nta wundi mu bami b’Abisirayeli yagize umusi mukuru wa Pasika uhwanye n’uwo Yosiya yagize, bo n’abaherezi n’Abalewi n’Abayuda bose n’ Abisirayeli bāri ngaho, n’ababa i Yerusalemu.

2 Ivyo ku Ngoma 34:2

Akora ivyo Uhoraho abona kw ari vyiza, agendera mu ngeso nziza za sekuruza Dawidi, ntiyatambamira i buryo cank’ i bumoso.

Zaburi 49:10

Kukw abona kw abanyabgenge bapfa, Igipfu n’ikijuju bikarandukana, Bagasigarana abandi ubutunzi bgabo.

Umusiguzi 2:20

Bituma nisubiramwo mpebuza umutima wanje ku vy’ubutame bganje bgose, ivyo natamiye musi y’izuba.

Umusiguzi 4:4

Maze mbona ubutame bgose n’ igikorwa cose c’ubuhinga, yuko kubg’ ivyo umuntu agirirwa ishari na mugenzi we. Ivyo na vyo n’ ubusa, no guhahamira umuyaga.

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Zaburi 39:7

Mwami, non’ ico ndorereye n’iki? Ni wewe nizigira.

Zaburi 49:11

Imva ni zo zizoba imigerēro yabo y’ibihe bidashira: Ni ho bazoba ibihe vyose, Nah’ amashamvu yabo bāri bāyitiriye amazina yabo.