Umusiguzi 10:8 - Bibliya Yera 1951 1967 (Burundi)

⁸ Uwimba icobo azogikorokeramwo, kand’ ūmena urugo inzoka izomukomora.

Umusiguzi 10:8 Referans Kwoze

Imigani 26:27

Uwimba icobo azokigwamwo, Kand’ ūtembagaza ikibuye kizomugarukako.

Esiteri 7:10

Nuko Hamani bamumanika kur’ ico giti nyene yari yiteguriye Moridekayi. Maz’ uburake bg’umwami burahwama.

Amosi 9:3

Kandi naho bokwinyegeza ku mpinga ya Karumeli, na ho nzobarondera mbanyegurureyo; canke naho bokwihisha inyonga zanje i bgina mu kiyaga, aho na ho nzogomora inzoka ibakomorereyo.

Amosi 5:19

Erega ni nk’ah’ umuntu yohunga intambge agahūra n’idubu, canke yokwinjira mu nzu agashinga ukuboko ku rusika, inzoka ikamukomora.

2 Samweli 17:23

Ariko Ahitofeli abonye ko batemeye inama yiwe, ashira amatandiko ku ndogoba yiwe, afata inzira ataha i muhira mu gisagara c’i wabo; araheza aroranya ivyo mu rugo rwiwe, aca yiha umugozi. Nukw arapfa, bamuhamba mu mva ya se.

Abacamanza 9:5

Aja i wabo i Ofura, yica bene se, ari bo bene Yerubayali, abakererera kw ibuye rimwe; ariko Yotamu umuhererezi wa Yerubayali, ararokoka, kuko yaciye yinyegeza.

2 Samweli 18:15

Maz’ imisore cumi yatwaza Yowabu ibirwanishwa, ica Abusalomu irya n’ino, iramuhohosha, arapfa.

Zaburi 57:6

Bateze ibirenge vyanje umutego; Umutima wanje uricurikiriye. Bimvye icobo imbere yanje: Baba ari bo bakirokeramwo. Sela.

Imigani 11:6

Ubugororotsi bg’abagororotsi buzobakiza, Arikw abakora ivy’ ubugunge bazofatwa n’ukugira nabi kwabo.

Umusiguzi 10:9

Uwimba amabuye azomukomeretsa, kand’ ūsatura ibiti bimushira mw irinde.