Umusiguzi 10:16 - Bibliya Yera 1951 1967 (Burundi)

¹⁶ Uzobona ibara, wa gihugu, umwami wawe iy’ ar’ umwana, abaganwa bawe bakazindukira kurya.

Umusiguzi 10:16 Referans Kwoze

Yesaya 3:12

Yamar’ abantu banje, abana ni bo babacuranguza, kand’ abagore ni bo babaganza. Yemwe bantu banje, ababarōngōra barabazimiza, kandi bazimanganya inzira mwociyemwo.

Yeremiya 21:12

Ewe nzu ya Dawidi, uku ni k’Uhoraho agize, ati Ni muce imanza ziroranye uko bukeye, mukize ūnyazwe mumukūre mu kuboko kw’ūmuhahaza, uburake bganje bgoye kurabagiza nk’umuriro, bukarurumba ntihagire ūshobora kubuzimya, kubg’ ibibi mukora.

2 Ivyo ku Ngoma 13:7

Maz’ abantu b’imburakimazi kandi b’inshirukanya bakoranira kuri we, baraheza binantaza kuri Rehobowamu mwene Salomo, igihe Rehobowamu yar’ akiri muto, akiri seniryo, adashobora kubahagarara imbere.

2 Ivyo ku Ngoma 36:9

Yehoyakina yagiye ku ngoma amaze imyaka cumi n’umunani; ayimarakw amezi atatu n’imisi cumi i Yerusalemu; na we akora ivyo Uhoraho abona kw ari bibi.

2 Ivyo ku Ngoma 36:5

Kandi Yehoyakimu yagiye ku ngoma amaze imyaka mirongwibiri n’itanu; ayimarakw imyaka cumi n’umwe ar’i Yerusalemu; akora ivyo Uhoraho Imana yiwe abona kw ari bibi.

2 Ivyo ku Ngoma 36:2

Yehowahazi yagiye ku ngoma amaze imyaka mirongwibiri n’itatu; ayimarakw amezi atatu ar’ i Yerusalemu.

2 Ivyo ku Ngoma 36:11

Zedekiya yagiye ku ngoma amaze imyaka mirongwibiri n’ umwe; ayimarakw imyaka cumi n’umwe i Yerusalemu;

Imigani 28:16

Umuganwa w’imburabgenge akunda guhahaza cane, Arik’ uwanka inyungu mbi azoramba.

Umusiguzi 10:15

Ibikorwa vy’igipfu cose birakiruhisha, kuko kitazi n’ inzira ija i bgami.

1 Abami 12:11

Ut’ Ariko naho data yabatwaje igitugu, uti Jeho nzorushiriza; uti Data yabakubitisha ibimoko, ut’ Ariko jeho nzobakubitisha sikorupiyo.