Umusiguzi 1:13 - Bibliya Yera 1951 1967 (Burundi)

¹³ Nashize umutima wanje ku kuronderesha ubgenge no kubuserangurisha ibikorerwa musi y’ ijuru vyose: n’umuruho ugoye, Imana yahaye abana b’abantu ng’ ubaruhishe.

Umusiguzi 1:13 Referans Kwoze

Umusiguzi 3:10

Nitegereje umuruho Imana yahaye abana b’ abantu ng’ ubaruhishe.

Itanguriro 3:19

kwirirwa urabira akuya ni kwo kuzoguhesha ivyo kurya uz’ urinde usubira mw ivu, kukw ari ryo wakūwemwo: ur’umukungugu, kand’ umukungugu ni wo uzosubiramwo.

Umusiguzi 1:17

Kandi nashize umutima wanje ku kumenya ubgenge, no ku kumenya ubujuju n’ubupfu ivy’ ari vyo: na vyo nyene nabonye kw ar’ uguhahamira umuyaga.

1 Timoteyo 4:15

Ivyo ubishirek’ umwete, uvyamemwo, kugira ngo kuja imbere kwawe kubonekere bose.

Umusiguzi 12:12

Ibisigaye, mwana wanje, uhanurwe: kwandika ibitabo vyinshi ntikugira iherezo; kand’ ukwiga cane kuruhisha umubiri.

Umusiguzi 7:25

Maze nshira umutima wanje ku kumenya no gusesa no guserangura ubgenge n’ inyanduruko z’ibintu, no kumenya kw icaha ar’ ubupfu, kandi k’ubupfu ar’ ibisazi.

Umusiguzi 8:9

Ivyo vyose naravyiboneye, nashize umutima ku gikorwa cose gikorerwa musi y’izuba: har’ igihe umuntu umwe agira ububasha ku wundi bgo kumugirira nabi.

Umusiguzi 4:4

Maze mbona ubutame bgose n’ igikorwa cose c’ubuhinga, yuko kubg’ ivyo umuntu agirirwa ishari na mugenzi we. Ivyo na vyo n’ ubusa, no guhahamira umuyaga.

Umusiguzi 2:26

Kuk’ umuntu ayihimbaye imuha ubgenge no kumenya n’umunezero: arik’ umunyavyaha imuha umuruho, ngw akumakume arundanye, akazobiha ūhimbaye Imana. Ivyo na vyo n’ubusa, no guhahamira umuyaga.

Umusiguzi 2:23

Kukw imisi yiwe yose ar’ imibabaro, kand’ umuruho wiwe ar’ intuntu; mbere no mw ijoro na ho umutima wiwe nturonka akaruhuko. Ivyo na vyo nyene n’ubusa.

Imigani 23:26

Mwana wanje, mpa umutima wawe, Kand’ amaso yawe ahimbarwe n’inzira zanje.

Imigani 18:15

Umutima w’umukerebutsi uronka ubgenge, N’ugutwi kw’abanyabgenge na kwo ni co kurondera.

Imigani 18:1

Uwigungira ukwiwe aba arondera ivyo yiharije gusa, Kand’ arwanya inama nziza zose.

Imigani 4:7

Ikir’ imbere ya vyose n’ubgenge: nuko wironkere ubgenge; Mber’ ivy’ ufise vyose ubihebere ugutahura.

Zaburi 111:2

Ibikorwa vy’Uhoraho birahambaye, Biseswa n’abo bihimbara bose.

Yobu 28:3

Abantu badōbēra mu mwiza bakawurangiza, Bagashika kw iherezo ry’ urubibe rwawo Basesangura amabuye yo mu mwiza w’umuzitanya no mu gitūtu c’urupfu.

Umusiguzi 3:11

Ikintu cose yakiremye ari ciza mu gihe caco: kandi yashize ivyiyumviro vy’ibihoraho mu mitima yabo, nah’ umuntu adashobora guserangura igikorwa Imana yakoze uhereye kw itanguriro ugashitsa kw iherezo.

Umusiguzi 4:8

Har’ umuntu w’inyakamwe, atagira uwundi; mbere ntagira n’umwana cank’ uwo bavukana; yamar’ umuruho wiwe wose ntugira iherezo, kand’ amaso yiwe ntahāga ubutunzi. Aribaza, ati None nduhira nde, nkiyima ivyiza? Ivyo na vyo nyene n’ubusa, mbere n’umuruho ugoye.

Umusiguzi 11:5

Nk’uk’ utazi inzira y’umuyaga iy’ ari yo, kandi nk’uk’ utazi ingen’ amagufa akurira mu nda y’ūtwaye inda, uko ni k’utazi igikorwa c’ Imana Rugira vyose.

Imigani 25:2

Imana guhisha ikintu, n’ icubahiro cayo, Arikw abami bo, guserangura ikintu, ni co cubahiro cabo.