Tito 1:5 - Bibliya Yera 1951 1967 (Burundi)

⁵ Icatumye ngusiga i Kirete kwar’ ukugira ng’ utunganye ivyasigaye, kandi mu gisagara caho cose ng’ uhashinge abakuru b’ishengero, nk’uko nabikubariye:

Bibiliya mu Kirundi coroshe

⁵ Icatumye ndagusiga i Kirete kwari kugira ngo utunganye ibitari bwatungane, wongere ugene abarongozi b’ishengero mu bisagara vyose nk’uko nari nabikweretse.

Tito 1:5 Referans Kwoze

Ivyakozwe 14:23

Kandi bamaze kubatorera abakuru mu mashengero yose, no gusenga bisonzesha, babaragiza Umwami Yesu, uwo bizeye.

1 Timoteyo 1:3

Nuko guma muri Efeso, nk’uko nakugīriye inama hamwe naja i Makedoniya, kugira ng’ uteshe ba bandi ntibigishe ibiciye ukundi,

Umusiguzi 12:9

Vyongeye kandi, Umusiguzi kuko yar’ umunyabgenge yashishikaye kwigisha abantu ubgenge; mbere yakoze irya n’ino, araserangura, aroranya imigani myinshi.

1 Korinto 14:40

Ariko vyose bitungane neza, birorane.

2 Timoteyo 2:2

kand’ ivyo wanyumvanye mu maso y’ivyabona vyinshi, ubishikirize abantu bo kwizigirwa, bazoshobora kuvyigisha n’abandi.

1 Korinto 11:34

Umuntu ni yasonza, ararya i we, kugira ngo ntimukoranire gutsindwa n’urubanza. Ibisigaye nzobiroranya aho nzozira.

Ivyakozwe 27:21

Bamaze igihe kirekire batakirya, Paulo ahagarara hagati muri bo, arababarira, ati Yemwe bagabo, mwāri mukwiye kunyumvira, ntimuve i Kirete, ngo mugire ibi vyago n’ubuhombe.

Ivyakozwe 27:12

Kandi kukw icambu atari ciza co kugumamwo kuhamara urushana, abenshi babagīra inama yo kuvayo, ngo bishobotse bashike i Foyinike, kuba ari ho bamara urushana, hār’ icambu c’i Kirete, cerekeye hagati y’i burārūko n’i burasirazuba, kandi hagati y’i burasirazuba n’i bumanuko.

Ivyakozwe 27:7

Tumaze imisi myinshi tugenda buhoro, dushika hafi y’i Kinido bitugoye cane, maz’ umuyaga utubujije duca musi y’i Kirete, imbere y’i Salumone, ngo tuhikinge umuyaga.

Ivyakozwe 11:30

Babigenza bartyo, babirungikira abakuru, bijanye Barunaba na Sauli.

Yesaya 44:7

Ni nde ahwanye nanje? N’abiserure, abitāngāze, abishire ngaho imbere yanje! Uhereye kera hose ni nde yamenyekanishije ibizoba? Ibigira bize n’ibizobaho ni babivuge!

Kolosayi 2:5

Kuko naho ntari kumwe namwe ku mubiri, ndi kumwe namwe ku mutima, nnezerewe kandi mbona ugushira hamwe kwanyu kwiza, n’ugushikama mu kwizera Kristo kwanyu.

Ivyakozwe 2:11

Abakirete, n’Abarabo, tukabumva bavuga mu ndimi zacu ibitangaza vy’Imana.

1 Ivyo ku Ngoma 6:32

bagashitsa igikorwa cabo co kuririmba imbere y’ihema, ari ryo hema ry’ibonaniro, gushitsa habonetse ingoro Salomo yubakiye Uhoraho i Yerusalemu; bagakora igikorwa cabo bakūranwa, nk’ukw ibihe vyabo biri.

Ivyakozwe 27:13

Maz’ umuyaga uturutse i bumanuko uheheye buhoro, bibgiye ko baronse ico bāgomba, bazitura ubgato, bagenda bakikira hafi cane y’i Kirete.

1 Korinto 4:17

Ni co gituma mbatumyeko Timoteyo, umwana wanje nkunda, ayobokera Umwami wacu; azobībutsa inzira zanje zo muri Kristo, nk’uko nigisha hose mu mashengero yose.

Tito 1:12

Umwe muri bo w’umumenyi wabo yaravuze, ati Na ntaryo Abanyakirete n’ababeshi, n’ibikōko bibi, n’abanebge b’abakunzi b’inda.

Abalewi 14:42

Baheze bazane ayandi mabuye, bayasanishe aho basambuye ya yandi, bazane n’iyindi ngwa, bahome iyo nzu.