Obadiya 1:12 - Bibliya Yera 1951 1967 (Burundi)

¹² Yamara ntiwar’ ukwiye kurāba utw’ ininga umusi wa mwene nyoko ugeze, ku musi yashikiweko n’ivyago; umusi Abayuda bagesezwa, ntivyari bikwiye kukunezereza; ntiwari gutwengera mw ijigo ku musi w’amazigirizwa yabo.

Obadiya 1:12 Referans Kwoze

Mika 4:11

Ubu amahanga menshi akoraniye kugutera, aravuga, ati Siyoni ni hahumanywe, amaso yacu avyibonere!

EZEKIYELI 35:15

Nk’uko witamvye hejuru y’ishamvu y’inzu ya Isirayeli kukw icitse amatongo, uko ni ko nzokugirira: nawe uzoba amatongo, ewe wa musozi Seyiri, na Edomu hose iyo hava hakagera. Maze bazomenya yuko jewe nd’ Uhoraho.

Imigani 17:5

Ūcokora umworo aba agaye Umuremyi wiwe, Kand’ ūnezerezwa n’ivyago vy’ uwundi ntazobura guhanwa.

1 Samweli 2:3

Ntimukongere kuvuga ivy’ ubgibone murtyo, Ivy’ amanyama ntibigaturuke mu kanwa kanyu; Kuk’ Uhoraho ar’ Imana izi vyose, Ni yo igera ibikorwa vy’abantu nko ku munzane.

2 Petero 2:18

Bavuga ibitumbaganyemw’ ibitagira ico bimaze, basukasuka abariko baridohora mu bagenda bazimiye, babasukasukisha ukwifuza kw’umubiri n’isoni nke.

Yuda 1:16

Abo n’abidodomba n’abanyamwikomo bagenda bakurikira ukwifuza kwabo, akanwa kabo kavuga amagambo atumbaganyemw’ ukwirarira, bubahira abantu kubakūramw’ amaronko.

Zaburi 37:13

Umwami Imana azomutwenga, Kukw abona yuk’ umusi wiwe urik’ urashika.

Zaburi 31:18

Iminwa ivuga ibinyoma izibge, Ivugana umugororotsi agakēngērwe, N’ubgibone n’akagaye.

Zaburi 22:17

Nshobora guharūra amagufa yanje yose; Bandāba bankanuriye amaso.

Yobu 31:29

Asangwa naranejerejwe n’uk’ ūnyanka ageshejwe, Canke nkitereshwa hejuru n’ ukw ivyago bimushitseko,

Ivyahishuwe 13:5

Gihabga akanwa kavuga ibihambaye n’ivyo kurogota: gihabga n’ubushobozi bgo gushishikara amezi mirongwine n’abiri.

Yakobo 3:5

N’ururimi ni ko ruri: n’urugingo rutoya, rukirarira ibikomeye. Rāba ishamba, naho ryoba rinini rite, ridomekwa n’akariro gake.

Luka 19:41

Ashitse hafi, abona igisagara, arakiririra,

GUCURA INTIMBA 4:21

Ni winezererwe, uhimbarwe, ewe mukobga, Edomu we, wibereye mu gihugu c’i Uzi! Nawe igikombe kizodōbēra kiruhe kigushikeko; uzoborerwa, ute agahuzu.

Yesaya 37:24

Watumye abantu bawe kuntuka, jewe Umwami Imana, uravuga, ng’ Udūganye igitero cinshi c’imikogote yawe y’intambara, ushitse mu mpinga z’imisozi, no mu dushōka tw’i Lebanoni; ngo Wiciye ibiti vy’amasederi vyaho birebire, n’ivy’ akajwari vyaho vyiza‐vyiza; ngo Wahanyuragiye ushika ku mpinga yaho hirya cane, no mu biti vyo mw itongo ryaho rimera cane.

Zaburi 92:11

Kand’ ijisho ryanje ryiboneye abansi banje, Amatwi yanje yiyumviye ukw inkozi z’ibibi zimpagurukiye zibaye.

Zaburi 59:10

Imana mboneramw’ imbabazi izonsanganira, Imana izompa kwibonera abandyamiye.

Zaburi 54:7

Kuk’ Uhoraho yankijije amagorwa yose, Ijisho ryanje rikībonera abansi banje.

Yobu 18:20

Abazoza inyuma yiwe bazotangarira umusi wiwe, Nk’ukw abāmwitangiye imbere bātewe n’ubgoba.

Zaburi 35:15

Ariko jeho ncumbagiye baranezerwa, bakarundana, Abantu b’imburakimazi banteranirako, sinabimenya. Baranshishimura ntibīgarura.

GUCURA INTIMBA 2:16

Abansi bawe bose barakwasamiye cane, Bavuza agahwa, bagahekenya imisaya, bati Twarahayongobeje; Bati N’ukuri uyu ni wo musi twari twiteze; none turawushitseko, turawiboneye.

EZEKIYELI 35:12

Nuk’ uzomenya yuko jewe, Uhoraho, numvise ibitutsi vyawe vyose watutse imisozi y’i Bgisirayeli, uti Hahindutse amatongo, turahahawe ngo tuharye.

EZEKIYELI 36:5

mbere, uku ni k’Umwami Uhoraho agize, ati N’ukuri mvuganye ifuhe rimeze nk’umuriro ku vy’ayandi mahanga no ku vy’Abanyedomu bose bīhaye igihugu canje kw inyegu, bari n’ umunezero wuzuye imitima, n’ akagaye kose ko mu mushaha, ngo bagitange gisahurwe.