Nehemiya 6:16 - Bibliya Yera 1951 1967 (Burundi)

¹⁶ Maz’ abansi bacu bose bavyumvise, bo n’abanyamahanga bose bo ku mpande zacu zose, bagira ubgoba, baratētērwa, kuko bamenye kw ar’ Imana yacu yadushoboje kurangiza igikorwa kingana girtyo.

Nehemiya 6:16 Referans Kwoze

Yosuwa 5:1

Maz’ abami bose b’Abamori bāba hakuno ya Yorodani mu ruhande rw’i burengerazuba, n’ abami bose b’Abanyakanani bāba ku kiyaga, bumvise ingen’ Uhoraho yakamirije amazi ya Yorodani imbere y’Abisirayeli kugeza bahejeje kujabuka, imitima yabo ibavamwo, ntihāba hakigira ūfise umutima mu nda kubg’ Abisirayeli.

Zaburi 126:2

Ico gihe akanwa kacu kāri kuzuye ibitwengatwenga, N’indimi zacu zāri zuzuyemw’ indirimbo: Ico gihe mu mahanga bāvuga, Bat’ Uhoraho yabakoreye ibikomeye.

Nehemiya 4:7

Bukeye Sanibalati na Tobiya n’Abarabo n’Abamoni n’Abanyashidodi bumvise yukw igikorwa co gusana uruzitiro rw’i Yerusalemu kija imbere, kandi yukw ibihengeri bitanguye kuzibirwa, bararaka cane,

Nehemiya 4:1

Bukeye Sanibalati yumvise ko twubaka urwo ruzitiro rw’ amabuye, araraka arashangashirwa; aca aratunegura twebge Abayuda,

Nehemiya 2:10

Buno Sanibalati Umuhoroni bo na Tobiya Umwamoni w’umugurano bavyumvise, bibamerera nabi cane yuko haje umuntu ababaye Abisirayeli.

Ivyakozwe 5:38

Kandi none ndababgire: Ni muzibukire aba bantu, mubarekure: kukw iyi nama n’iki gikorwa ni vyaba biturutse mu bantu, bizosendwa:

Guharūra 23:23

Ereg’ indagu nta co yotwara aba Yakobo, Cank’ ubupfumu ngo bugire ico butwara Abisirayeli. None biravugwa ku ba Yakobo no ku Bisirayeli, Ngw Ewe kuntu Imana yakoze!

Kuvayo 14:25

Atuma amagurudumu y’ imikogote yabo afata, ntiyaba igikwegeka neza. Maz’ Abanyegiputa baravugana, bat’ Enda duhunge, tureke Abisirayeli, kuk’ Uhoraho abatabara, ari we aturwanya.

Nehemiya 6:17

Kandi mur’ iyo misi abakuru b’i Buyuda na Tobiya bandikiranira ivyete vyinshi.

Yeremiya 33:9

Kand’ iki gisagara kizombera izina ry’umunezero, kimbere n’ishimwe n’icubahiro imbere y’amahanga yose yo mw isi, abazokwumva ivyiza vyose nabakoreye; bazotinya bahinde agashitsi kubg’ ivyiza vyose n’ amahoro yose ndahahaye.

Yosuwa 2:9

arababarira, ati Nzi yuk’ Uhoraho abahaye iki gihugu; kandi mwaduciye ivutu, mber’ abari mu gihugu bose bahiye cōba kubganyu.

Yosuwa 2:11

Tuvyumvise, imitima yacu yaciye ituvamwo, nta muntu n’umwe yar’ agisigaranye umutima mu nda kubganyu: kuk’ Uhoraho Imana yanyu ari we Mana iri hejuru mw ijuru no hasi kw isi.

Zaburi 109:27

Kugira ngo bamenye yukw ar’ ivyatewe n’ukuboko kwawe, Kw ari wewe, Uhoraho, wabikoze.

Zaburi 129:5

Abanka Siyoni bose Ni bamāramāre, basubizwe inyuma.

Zaburi 147:2

Uhoraho ni we yubaka Yerusalemu; Akoraniriza hamwe abāri bārasābagijwe bo mu Bisirayeli.