Nehemiya 6:11 - Bibliya Yera 1951 1967 (Burundi)

¹¹ Nanje ndamwishura, nti Mbeg’ umuntu nkanje nohunga? Kand’ umuntu nkanje yokwinjira mu rusengero ngo yikize? Eka sinjayo!

Nehemiya 6:11 Referans Kwoze

Ivyakozwe 21:13

Maze Paulo aratubaza, ati Mukora ibiki, kurira mundandura umutima? Siniteguye kuboherwa gusa i Yerusalemu, ariko no gupfirayo, kubg’ izina ry’Umwami Yesu.

Imigani 28:1

Abanyakibi bahunga ata wubirukanye, Arikw abagororotsi bagumya umutima nk’intambge.

Filipi 2:17

Arikw asangwa nkwiye gusukwa ku kimazi c’ukwizera kwanyu no kw ibango ryakwo, ndanezerwa, nnezeranwa namwe mwese:

Ivyakozwe 20:24

Ariko simbabaye ubugingo bganje nk’ah’ ar’ubg’ igiciro, kugira ngo ndangize urugendo rwanje, n’igikorwa nahawe n’Umwami Yesu, co gushingira intahe ubutumwa bgiza bg’ubuntu bg’Imana.

Zaburi 112:8

Umutima wiwe urahamangiye, ntazotinya, Gushitsa ah’ azokwibonera abansi biwe.

Zaburi 112:6

Kukw atazokwigera anyiganyizwa; Umugororotsi azokwibukwa ibihe bidashira.

Abaheburayo 11:27

Ukwizera ni kwo kwatumye ava muri Egiputa, ntiyatinya uburake bg’umwami, kuko yashikamye nk’ah’ abona Ītaboneka.

Filipi 2:30

kuko yagarukiye hafi yo gupfa kubg’ igikorwa ca Kristo, yahevye amagara yiwe, ngw ashikane ivyasigaye vyo kumfasha kwanyu.

Umusiguzi 10:1

Isāzi zipfuye zituma amavuta yinjijwe n’abahinga babimogoreye anuka umuduhu: ni ko n’ubupfu naho bgoba buke bgonona ubgenge n’icubahiro.

Nehemiya 6:9

Kuko bose bāgomba kudutera ubgoba, bati Bazohava bacika intege, igikorwa gihere aho. Ariko none Mana, undemeshe.

Nehemiya 6:3

Maze mbatumakw intumwa, mut’ Arikw arakora igikorwa gihambaye, ntashobora kuza; muti Ntiyota igikorwa ngo gihagarare, ngw amanuke abasange iyo.

1 Samweli 19:5

kuko yahevye amagara yiwe, akica wa Mufilisitiya, Uhoraho akarokora Abisirayeli uburyo bukomeye. Nawe ubibonye uranezerwa. None n’iki kigutera kugira nabi, ukavisha amaraso y’ūtācumuye, ngo wice Dawidi umuhōye ubusa?

Ivyakozwe 8:1

Bahēra kur’ uwo musi bahama cane ishengero ry’i Yerusalemu: bose basābagirira mu bihugu vy’i Yudaya n’i Samariya, ukūyemw’ intumwa gusa.

Yesaya 10:18

Kand’ azoherengeteza ubgiza bg’ikibira ciwe, n’ubg’ indimiro yiwe imera cane, aherengeteze uhereye ku bugingo ugashitsa ku mubiri; bizomera nk’umurwayi yagongoberanye.

Nehemiya 6:12

Maze mvyitegereje mmenya kw atar’ Imana yabimutumye, ariko yaje kubimbgira kuko Tobiya na Sanibalati bāri bāmuhēreye.

Guharūra 3:10

Ushireho Aroni n’abana biwe, abe ari bo bazezwa igikorwa c’ubuherezi bgabo: kand’ uwundi wese atar’ uwo muri bo yovyēgēra akavyitamwo, aze yicwe.