Nehemiya 11:1 - Bibliya Yera 1951 1967 (Burundi)

¹ Abakuru b’abantu ni bo bāba i Yerusalemu; maz’ abandi bantu bose bapfinda ubupfindo kugira ng’ umuntu umwe‐umwe mur’ icumi na we az’ agerēre i Yerusalemu ku murwa wera, abandi basigaye babe mu bindi bisagara.

Nehemiya 11:1 Referans Kwoze

Yesaya 48:2

Kuko biyita abo ku murwa wera, bakishingikiriza ku Mana ya Isirayeli; Uhoraho Nyen’ ingabo ni ryo zina ryanje.

Yesaya 52:1

Ikangure, ikangure, wambare inkomezi zawe, ewe Siyoni; ambara imyambaro yawe ishajije, ewe Yerusalemu wa murwa wera; kuk’ uhereye none muri wewe hatazoshika ūtākebge cank’ igihumane.

Nehemiya 11:18

Abalewi bo ku murwa wera bose na bose bar’ amajana abiri na mirongumunani na bane.

Nehemiya 10:34

Kandi twebge abaherezi n’Abalewi n’ abantu dupfinze ubupfindo ngo tumenye ukw amashikanwa y’ inkwi azohora azanwa mu ngoro y’Imana yacu, ukw amazu ya ba sogokuruza akurikirana ku mbu zacu; uk’ umwaka utashe izo nkwi n’izo gukoma icoto ku gicaniro c’Uhoraho Imana yacu, nk’uko vyanditswe mu vyagezwe.

Matayo 4:5

Bun’ Umurwanizi amujana mu gisagara cera, amuhagarika ku gatwe k’urusengero,

Ivyakozwe 1:24

Barasenga, bati Mwami, ni wewe uzi imitima y’abantu bose, none werekane uwo utoranije mur’ aba bompi

Matayo 27:53

bava mu mva amaze kuzuka, bashika mu gisagara cera, babonekera benshi.

Imigani 16:33

Utwo bapfindisha baduterera mu mpuzu zo mu gikiriza, Arik’ uko bigenda kwose bigerwa n’Uhoraho.

Zaburi 122:5

Kukw ari ho batereka intebe z’imanza, Intebe z’ab’ inzu ya Dawidi.

1 Ivyo ku Ngoma 26:13

Maze bapfinda ubupfindo, ngo barābe ikirimba umuntu wese azoshibamako, bose abato n’abakuru nk’ ukw amazu ya ba sekuruza ari.

Yosuwa 18:10

Nuko Yosuwa abapfindira ubupfindo imbere y’Uhoraho i Shilo; agabanganya Abisirayeli ico gihugu, nk’ukw imigabane yabo iri.

Ivyakozwe 1:26

Barabapfindira, ubupfindo bgerekana Matiya, nukw aharūranwa n’intumwa cumi n’imwe.

1 Ivyo ku Ngoma 9:3

Abāgiye kuba i Yerusalemu ni bamwe bo mu Bayuda n’abo mu Babenyamini n’abo mu Befurayimu n’abo mu Bamanase, ni bo aba:

1 Ivyo ku Ngoma 8:28

Abo ni bo bagiye baba abakuru bo mu mazu ya ba sekuruza, uk’ urunganwe rwabo rwagenda rukurikirana, kandi bāba i Yerusalemu.

1 Ivyo ku Ngoma 9:1

Nukw Abisirayeli bose bāraharūwe, uk’ urunganwe rwabo rwagiye rukurikirana, kandi banditswe mu gitabo c’abami b’Abisirayeli. Kand’ Abayuda bājanywe i Babuloni ar’ inyagano, bahōwe ukugabitanya kwabo.

1 Ivyo ku Ngoma 9:2

Abābanje kugaruka bagasubira mu matongo yabo yo mu bisagara vyabo n’abanyagihugu bo mu Bisirayeli, bo n’abaherezi n’Abalewi n’abahawe ibango ry’ibikorwa vy’urusengero.

Nehemiya 4:22

Ico gihe nyene mbarira abantu, nt’ Umuntu wese n’aze arāre i Yerusalemu azananye n’umuntu wiwe, kugira ngo duterame mw ijoro, ku murango dukore.

Zaburi 122:6

Ni musabire Yerusalemu amahoro; Abagukunda batōtahare.