Nahumu 1:7 - Bibliya Yera 1951 1967 (Burundi)

⁷ Uhoraho ni mwiza, n’ubuhungiro bgo ku musi w’amagorwa; kand’ arazi abamwizigira.

Nahumu 1:7 Referans Kwoze

2 Timoteyo 2:19

Arikw itanguriro ry’Imana ryo kwubakako rirakomeye, ryanditswekw iki kimenyetso, ng’ Uhoraho arazi abiwe; kandi ng’ Umuntu wese avuga izina ry’Uhoraho ave mu kugabitanya.

Yohana 10:27

Abābaye intama zanje bumva ijwi ryanje, nanje ndabazi, na bo barankurikira,

GUCURA INTIMBA 3:25

Uhoraho agirira neza abamwiteze, n’imitima imurondera.

Yohana 10:14

Ni jewe mwungere mwiza, ndazi izanje, n’izanje ziranzi,

Zaburi 100:5

Kuk’ Uhoraho ari mwiza, imbabazi ziwe zihorah’ ibihe bidashira, Kand’ ahora ar’ umwizigirwa no gushitsa ibihe vyose.

Zaburi 27:5

Kuko ku musi w’amagorwa azonzigama akampisha mw ihema ryiwe, Mu bgigobeko bgo mw ihema ryiwe ni ho azompisha; Azonshira hejuru, ampagarike ku gitandara.

Imigani 18:10

Izina ry’Uhoraho n’umunara ukomeye: Umugororotsi awirukiramwo, akaba amahoro.

Zaburi 1:6

Kuk’ Uhoraho azi inzira y’ abagororotsi, Arikw inzira y’abanyavyaha ijana mu mahonero.

Galatiya 4:9

ariko none, ko mwamenye Imana, cane‐cane ko mwamenywe na yo, n’iki catumye musubira inyuma mugahindukirira ivya mbere vya goyi‐goyi, bitagira ikimazi, mukagomba kubijakarira ukundi gusha?

Yesaya 25:4

Kuk’ umugorwa wamubereye igihome, wabereye igihome umukene mu vyago vyiwe, ukababera ubgugamo mu gihuhuta, n’igitūtu mu ndugumba, iy’ inkūbi y’abantu b’ agaterabgoba imeze nk’igihuhuta cisuka ku nzu.

1 Ivyo ku Ngoma 16:34

Ni mushimire Uhoraho yukw ari mwiza: Kukw imbabazi ziwe zamah’ ibihe bidashira.

Yeremiya 33:11

aha hantu nyene hazosubira kwumvikana ijwi ry’umunezero n’iryo guhimbarwa, n’ijwi ry’umukwe n’iry’ umugeni, n’ijwi ry’abavuga, bati Ni mushime Uhoraho Nyen’ ingabo, kuk’ Uhoraho ari mwiza, kukw imbabazi ziwe zamaho ibihe bidashira; n’iry’ abazanye ibimazi vy’ishimwe mu ngoro yanje Uhoraho. Kuko nzotuma iki gihugu kiva mu kinyago, kikamera nk’ ubga mbere, ni jewe Uhoraho mbivuze.

Zaburi 86:7

Ku musi w’amarushwa yanje nzokwambaza, Kuk’ uzonyishura.

Yesaya 32:2

Kandi mur’ abo, uw’ ari we wese azoba nk’aho kwikinga umuyaga, n’ubgugamo bg’ikirura; azoba nk’ inzūzi z’amazi ahantu hagadutse, kandi nk’igitūtu c’igitandara kinini mu gihugu kiruhisha.

Zaburi 25:8

Uhoraho ni mwiza, aragororotse: Ni co gituma azorangira abanyavyaha inzira.

Daniyeli 3:28

Nebukadineza aravuga, at’ Imana ya Shaduraka na Meshaki na Abedunego iragahimbazwa, ni yo yarungitse umumarayika wayo, igakiza abasavyi bayo bayizigiye, kukw ijambo ryanje baricishije ukundi, bagaheba amagara yabo, kugira ngo ntibagire iyindi mana n’imwe basaba canke basenga, atar’ Imana yabo.

Zaburi 71:3

Umbere igitandara co kubamwo, aho nzoshobora kwama mpungira: Wangereye kunkiza, Kukw ari wewe gitandara canje n’igihome kinkīngira.

Zaburi 91:15

Azonyambaza, nanje ndamwitabe, Nzobana na we mu marushwa, Ndamukize, mmuhe icubahiro.

Zaburi 59:16

Ariko jeho nzoririmba inkomezi zawe; Mbere mu gitondo nzoririmba imbabazi zawe n’ijwi rirenga: Kuko wambereye igihome kirekire kinkīngira, N’ubuhungiro ku musi w’ amagorwa yanje.

Zaburi 50:15

Uz’ unyambaze ku musi w’ amagorwa, Nzogukiza, nawe uzompesha icubahiro.

Daniyeli 6:23

Maz’ umwami aca aranezerwa cane, avuga ko bakūra Daniyeli muri rwa rwobo. Nuko Daniyeli akūrwa mu rwobo, nta n’agakwabu kabonetse kuri we, kuko yari yizigiye Imana yiwe.

Abaroma 11:22

Rāba rer’ ukugira neza kw’Imana, n’ubuhambazi bgayo: ku bāguye n’ubuhambazi, ariko kuri wewe n’ukugira neza kw’Imana, ni waguma mur’ ukwo kugira neza kwayo: kuko n’utagira urtyo, nawe uzohanyurwa.

2 Ivyo ku Ngoma 32:21

Nuk’ Uhoraho arungika umumarayika, atikiza abahizi bose n’abakuru n’ abagabisha b’ingabo z’umwami w’i Ashuri, aho bari bashagaje. Nuk’ uwo mwami asubira mu gihugu ciwe amāramāye. Maz’ ashitse mu ngoro y’ikigirwamana ciwe, abo yivyariye bahamwicishiriza inkota.

Matayo 27:43

Yizigiye Imana, n’imukize ubu nyene ni yaba imubabaye: kuko yīgira ngo Nd’ Umwana w’Imana.

Matayo 7:23

Ni ho nzobajinjiburira, nti Nta ho nigeze mbamenya; mviraho, mwa bakora ibizira mwe.

Ezira 3:11

Bakaririmba bahāniranwa, bahimbaza Uhoraho bamushima, bat’ Erega ni mwiza, kukw imbabazi agirira Abisirayeli zamah’ ibihe bidashira. Maz’ abantu bose bashira amajwi hejuru, barasemerera batazira Uhoraho, kukw itanguriro ry’ingoro y’Uhoraho rimaze gushirwaho.

2 Ivyo ku Ngoma 32:11

Ngw Aho Hezekiya s’ukubahenda, kugira ngw abicishe inzara n’inyota? Kw ababarira ng’ Uhoraho Imana yacu izodukiza, ngo ntidukorokere mu maboko y’umwami w’i Ashuri!

2 Ivyo ku Ngoma 32:8

Mu ruhande rwiwe haherereye inkomezi z’ab’ umubiri, ariko mu ruhande rwacu haherereye Uhoraho Imana yacu, ngw adutabare, aturwanire mu ntambara zacu. Maz’ abantu baremēshwa n’ayo majambo ya Hezekiya umwami w’i Buyuda.

1 Ivyo ku Ngoma 5:20

maze batakambiye Imana mur’ iyo ntambara, irabumva kuko bayizigiye, irabatabara, igabura Abahaguri n’ abāri kumwe na bo bose mu maboko yabo;

Zaburi 20:1

Uhoraho akwishure ku musi w’amagorwa, Izina ry’Imana ya Yakobo rigushire hejuru;

Zaburi 37:39

Arikw agakiza k’abagororotsi kanduruka k’Uhoraho, Ni we buhungiro bgabo mu gihe c’amagorwa.

Zaburi 37:40

Kand’ Uhoraho arabatabara, akabarokora, Abarokora mu banyakibi, akabakiza, Kuko bamuhungiyeko.

Yeremiya 16:19

Ewe Uhoraho, nkomezi zanje, gihome canje, buhungiro bganje ku musi w’amagorwa, amahanga azoza kuri wewe avuye mw isi yose iy’ iva ikagera, bavuge, bati Ba sogokuruza bacu nta kindi bārazwe atar’ ibinyoma n’ivy’ ubusa n’ibitagira ikimazi.

Yeremiya 17:17

Ntumbere ikinca ivutu: ni wewe buhungiro bganje ku musi w’ivyago.

Yeremiya 24:5

rit’ Uku ni k’Uhoraho agize, ni we Mana y’Abisirayeli, ati Nk’uk’ umuntu yokwerekeza umutima kur’ izi nsukoni nziza, ni ko nzowerekeza ku Bayuda, kugira ngo mbagirire neza, abo narungitse ar’ inyagano, ngo bave aha hantu baje mu gihugu c’Abakaludaya.

Yoweli 3:16

Maz’ Uhoraho azokwivugira i Siyoni, arangurure ijwi ar’ i Yerusalemu; ijuru n’isi bizotigita: arik’ Uhoraho azobera abantu biwe ubuhungiro, Abisirayeli ababere igihome co kubakingira.

Zefaniya 3:12

Ariko nzogusigamw’ abaciye bugufi na ba nyarucari, abo ni bo bazokwizigira izina ryanje jewe Uhoraho.

2 Ivyo ku Ngoma 13:18

Uko ni kw Abisirayeli bāmazwe igabo ico gihe, Abayuda bakabanesha, kuko bizigiye Uhoraho Imana ya ba sekuruza.

Zaburi 9:10

Kand’ abazi izina ryawe bazokwizigira, Kuko wewe, Uhoraho, udahemukira abakurondera.

Zaburi 46:2

Ni co gituma tutazotinya, nah’ isi yohinduka, Nah’ imisozi yoshingūrwa ikaja mw idamba ry’ibiyaga;

Yesaya 50:10

Ni nde muri mwebge yubaha Uhoraho, akumvira ijwi ry’umushumba wiwe? Ūgendera mu mwiza, adafise umuco, ni yizigire izina ry’Uhoraho, kandi yisunge Imana yiwe.