Mika 7:5 - Bibliya Yera 1951 1967 (Burundi)

⁵ Ntimukizigire umukunzi, ntimukishimire incuti; ufate n’akanwa kawe no ku mugore wawe mupfumbatirana.

Mika 7:5 Referans Kwoze

Yeremiya 9:4

Mwiyubarane, umuntu wese yiyubare umubanyi wiwe, kandi ntihagire uwo muri mwebge yizigira mugenzi we: kuk’ umuntu wese agendanira ubugunge mugenzi we, kand’ umubanyi w’umuntu wese agenda amurementaniriza.

Matayo 10:16

Rāba mbatumye muri nk’intama mu mabingira hagati. Nuko mugire ubgenge nk’inzoka, mumere nk’inuma ata karohe.

Zaburi 41:9

Mber’ umukunzi wanje pfampfe, uwo nizigira, nagaburira, Na we ambanguriye umugere.

Zaburi 141:3

Uhoraho, shira umurinzi imbere y’akanwa kanje: Rinda umuryango w’iminwa yanje.

GUCURA INTIMBA 1:2

Kirāra kirarira mw ijoro, amosozi agacunduguta ku matama; Mu bakunzi baho bose ntihafise uwo kuhirura: Abagenzi baho bose bāraharyarutse, Bahindutse abansi baho.

Abacamanza 14:17

Arangiza iyo misi ndwi bari mu nkinga amuririra imbere; maze ku musi ugira indwi arakimubarira, kuko yamujigirije: na we aca abarira ab’i wabo ico gisōkōranyo.

Zaburi 38:14

Mbere mmeze nk’umuntu atumva, Ata myishurano iri mu kanwa kiwe.

Yeremiya 9:3

Bafora ururimi rwabo nk’umuheto, kugira ngo barekure ibinyoma; bācitse abahambaye mu gihugu, ariko batabiheshejwe n’ukuri: kuko bava mu bibi bakaja mu bindi, kandi ntibammenye, ni jewe Uhoraho mbivuze.