Mika 7:4 - Bibliya Yera 1951 1967 (Burundi)

⁴ Ūrusha abandi kumera neza ameze nk’umukere, kand’ ūbaye ūrusha abandi kugororoka n’insobane kurusha uruzitiro rw’amahwa: umusi wavuzwe n’abashibamyi bawe urashitse, ari wo wo guhanwa kwawe; kandi muzogwa mu gahundwe.

Mika 7:4 Referans Kwoze

Yesaya 22:5

kukw ar’ umusi w’ubgihebure n’ugusiribangwa n’ukuzazanirwa, uvuye ku Mwami, Uhoraho Nyen’ ingabo, mu kiyaya co kwerekwa; hariho gusangangura inzitiro z’amabuye, n’ amaruru ashika ku misozi miremire.

EZEKIYELI 2:6

Kandi nawe, mwana w’umuntu, ntuz’ ubatinye, ntuz’ utinye n’amagambo yabo, n’iyo woba mu mikere no mu mahwa, ukabana na za sikorupiyo: ntuz’ utinye amagambo yabo, canke ng’urandurwe umutima n’igitsure cabo, nah’ ar’ inzu y’abagarariji.

Yesaya 10:3

None muzogira mute umusi muzoshikīrwa, no mw irandura rivudutse kure? Muzohungira kuri nde ngw abatabare? Kandi muzobītsa hehe ubutunzi bganyu?

Abaheburayo 6:8

Arikw iyo zimezemw’ imikere n’ibitovu, ziba zisivye, ziba zishigaje gatoya zikavumwa, iherezo ryazo n’uguturirwa.

Luka 21:25

Kandi hazoba ibimenyetso ku zuba no ku kwezi no ku nyenyeri, kandi no mw isi hazoba imibabaro mu mahanga, bazotegekanishwa n’ukubomborana kw’ikiyaga n’imipfunda;

Nahumu 1:10

Kuko naho bomera nk’amahwa azitanye, canke bagahindurwa iveve n’inyobga, bazotōngōrwa rwose nk’ibirararara vyumye.

Amosi 8:2

Maz’ arambaza, at’ Ubonye iki ga Amosi? Nti Mbonye igisimbo c’amatunda ahīshiye. Maz’ Uhoraho arambgira, at’ Amateka y’abantu banje b’Abisirayeli arahīshishijwe; kandi sinzosubira kwirengagiza ivyabo ukundi.

Yeremiya 10:15

N’ivy’ ubusa gusa, n’igikorwa c’uruhendo; igihe cabo co kūzirwa bizoherengetezwa.

Yeremiya 8:12

Mbega har’ isoni bāgize, bamaze gukora ibizira? Eka nta dusoni na mba, nta n’ukumāramāra. Ni co gituma bazotembana n’abari ku mutembo; igihe nzobazira bazogwaho, ni jewe Uhoraho mbivuze.

Yesaya 55:13

Mu gishingo c’umubambangwe hazomera igiti c’umuberoshi, mu c’umukēre hazomera ic’ umuhadasi: bizozanira Uhoraho izina ry’iritāzīrano, ikimenyetso kitazoshira, kitazokūrwaho.

Yeremiya 11:23

ntihazoba hakiri n’amasigarira muri bo, kuko nzozana ivyago ku bagabo bo muri Anatoti, ni wo mwaka wo kūzirwa kwabo.

Yeremiya 46:21

Kand’ ingabo zaho z’abacangero ziri hagati yaho, zimeze nk’inyana zo mu ruhongore: kuko na zo zakimiranye, zahungiye icarimwe, ntizashinga ikirenge: kuk’ umusi w’ ivyago vyabo ubashitseko, ni co gihe co kūzirwa kwabo.

EZEKIYELI 28:24

Kand’ ab’ inzu ya Isirayeli ntibazokwongera kugira umukere ubahanda, cank’ umubambangwe ubasāsāta mu babakikije bose, bāhora babagirira nabi; maze bazomenya yuko jewe nd’ Umwami Uhoraho.