Mika 4:8 - Bibliya Yera 1951 1967 (Burundi)

⁸ Nawe, mutara wo kurābirak’ umukuku, umusozi w’umukobga w’i Siyoni, ya nganji izoza kuri wewe: imwe ya mbere izokugarukako, bga bgami bg’umukobga w’i Yerusalemu.

Mika 4:8 Referans Kwoze

Yesaya 1:26

Nzosubizah’ abacamanza bawe nk’ubga mbere, n’abajanama bawe nko mu matangura; uheze witwe igisagara c’ubugororotsi, umurwa wizigirwa.

Zekariya 9:10

Muri Efurayimu nzohaca imikogote, n’i Yerusalemu nzohaca amafarasi, kand’ imiheto y’intambara izocibga. Uyo azobgira amahanga ivy’ amahoro, kand’ ubgami bgiwe buzohēra ku kiyaga bushike ku kindi, buhēre no kuri rwa Ruzi bushike ku mpera y’isi.

Ivyahishuwe 22:5

Nta joro rizoba rikiriho, kandi ntibazorinda kubonesherezwa n’itara canke kwākirwa n’izuba, kuk’ Umwami Imana ari yo izobākira, kandi bazoba abami ibihe bitazoshira.

Zekariya 9:12

Ni muhindukirire igihome gikomeye, mwa mbohe ziri n’ivyizigiro: no kur’ uyu musi ndababgira ukuri yuko nzobashumbusha ibihetangabo kabiri.

Obadiya 1:21

Kand’ abatabazi bazodūga ku musozi Siyoni, ngo bacire urubanza umusozi wa Esau; kand’ ubgami buzoba ubg’ Uhoraho.

Itanguriro 35:21

Isirayeli akomeza inzira, ashinga amahema hirya y’umunara wo muri Ederi.

Abanyefeso 1:21

imushize hejuru cane y’ubukuru bgose n’ububasha bgose n’ubushobozi bgose n’ubgami bgose n’izina ryose rivugwa, si mur’ iki gihe gusa, ariko no mu kizoza.

Mariko 12:1

Atangura kubabgira mu migani, ati Hābaye umuntu yateye uruzabibu, aruzitirira uruzitiro, yimbamw’ ubgato bg’ikinogo, yubakamw’ umutara, arusigarana abarimyi, aja mu mahanga.

Daniyeli 2:44

Nuko ku ngoma z’abo bami, Imana yo mw ijuru izohagurutsa ubundi bgami butazokwigera buhangūra, kand’ ingoma y’inganji yabgo nta ho izonyagwa n’irindi hanga; ariko buzomara bukomvomvore ubgami bgose bg’abo bami; yamara bgo buzohangama gushitsa ibihe vyose.

2 Samweli 5:7

Ariko Dawidi atsinda iboma ry’i Siyoni, ari ho hāciye hahinduka umurwa wiwe.

Guharūra 24:19

Muri Yakobo hazova ūganza, Azogeseza amasigarira yo mu bisagara.

Matayo 21:33

Ni mwumvīre uwundi mugani: Hābaye nyen’ urugo yateye uruzabibu; aruzitirira uruzitiro, yimbamw’ ubgato bg’ikinogo, yubakamw’ umutara, arusigarana abarimyi, aja mu mahanga.

Daniyeli 7:18

Arikw abera b’Īsumba vyose bazohabga ubgo bgami, kand’ ubgo bgami bazobgegukira buhore ar’ ubgabo gushitsa ibihe bitazoshira.

Yesaya 5:2

yari yararurimiriye, akūramw’ amabuye, ateramw’ imizabibu y’ubgoko bgiza, arwubakamw’ umutara hagati, arwimbamwo n’ikinogo, agikora bga bgato: nuko yaziga ko ruzokwama inzabibu, ariko rwama ibijabija vy’inzabibu.

Yesaya 10:32

Kur’ uyu musi wa none barataha i Nobu, babānguriye ukuboko umusozi w’umukobga w’i Siyoni, umurambi w’i Yerusalemu.

Zaburi 48:3

Imana yimenyekanishije mu ngoro zo kuri wo kw ar’ igihome kirekire gikīngira abantu.

Zaburi 61:3

Kuko wambereye ubuhungiro, N’igihome kirekire kinkīngira umwansi.

Mika 2:12

Ewe Yakobo! Sinzobura gukoraniriza abawe bose hamwe, kandi sinzobura kwegeranya amasigarira y’Abisirayeli; nzobakumakumira hamwe nk’intama z’i Bosira; bazohūrīra nk’umukuku uri mwinshi mu canya cawo.

Nehemiya 3:25

Akurikirwa na Palali mwene Uzayi, asana aharābana n’ahihese, ahahera ku munara wometswe ku ngoro y’umwami yo haruguru, ahahereranye n’urugo rw’abateramyi. Na we akurikirwa na Pedaya mwene Paroshi,

Zaburi 24:7

Ni mwīgire birebire, mwa birimba, Musegenye, mwa nzugi z’ ibihe vyose, ngo hāguke, Umwami w’ubgiza ngw ashike.

Indirimbo ya Salomo 4:4

Izosi ryawe rimeze nk’umunara wa Dawidi Wubakiwe kubīkwamw’ ibirwanishwa, Umanitsemw’ inkinzo igihumbi, Inkinzo zose z’abahizi.

Zekariya 9:9

Nezerwa cane, wa mukobga w’i Siyoni we! Sēsereza impundu, wa mukobga w’i Yerusalemu we! Rāba, umwami wawe aje kuri wewe, n’umugororotsi, kand’ ari n’inganji; yicishije bugufi, agendera ku ndogoba, mbere ni ku mukangara, inyana y’indogoba.