Mika 4:12 - Bibliya Yera 1951 1967 (Burundi)

¹² Ariko ntibazi ivyiyumviro vy’Uhoraho, canke ngo batahure imigabo yiwe, yuko yabakoranirije hamwe nk’imikama irunze ku mbuga.

Mika 4:12 Referans Kwoze

Yesaya 55:8

Kukw ivyiyumviro vyanje atari vyo vyiyumviro vyanyu, kand’ inzira zanyu atari zo nzira zanje, ni k’Uhoraho agize.

Yeremiya 29:11

Kuko nzi ivyiyumviro mbiyumvirako, ni jewe Uhoraho mbivuze, kw ar’ ivyiyumviro vy’amahoro, atar’ ivy’ ivyago, kugira ngo mbahe ivyizigiro vyo mw iherezo ryanyu.

Luka 3:17

Urutaro rwiwe ruri mu kuboko kwiwe, ngw akubure imbuga yiwe neza, yimburire ingano mu kigega ciwe, maz’ umuguruka awuturire mu muriro utazima.

Yesaya 21:10

Ewe wa muhūre wanje, ewe mpeke zo ku mbuga yanje! Ivyo numvise bivuye k’Uhoraho Nyen’ ingabo, Imana y’Abisirayeli, ni vyo mbabariye.

Zaburi 147:19

Amenyesha aba Yakobo ijambo ryiwe, Amenyesha Abisirayeli ivyo yashinze, bo n’imanza ziwe.

Zaburi 147:20

Nta rindi hanga yagiriye artyo: Mbere n’imanza ziwe ntibāzimenye. Haleluya!

Yesaya 10:7

Arikw ivyo si we avyituma ubgiwe, kandi si vyo yiyumvira mu mutima wiwe; arikw ikiri mu mutima wiwe n’uguhonnya, no kumara amahanga atari make.

Yesaya 29:7

Maz’ ingabo z’amahanga yose arwanya Ariyeli, abaharwananya n’igihome caho bose bakahagora, bazoba nk’inzozi, nk’ivyo umuntu yeretswe mw ijoro nko mu nzozi.

Yeremiya 51:20

Ni wewe nyundo yanje, n’ ibirwanishwa vyanje: ni wewe nzomenaguza amahanga; ni wewe nzogeseresha abami b’ibihugu;

Yoweli 3:2

nzokoraniriza hamwe amahanga yose, mbamanukane mu kiyaya ca Yehoshafati; ni ho nzobavuganiriza, mbūrana abantu banje, ni bo shamvu yanje Abisirayeli, abo bāsābagirije mu mahanga, bakīgaburira igihugu canje.

Yeremiya 51:33

Kuk’ ukw ari k’Uhoraho Nyen’ ingabo agize, ni we Mana y’Abisirayeli, at’ Umukobga ari we Babuloni ameze nk’imbuga iy’ ikubita rigeze; hasigaye igihe gito igihe co kwimburwa kikahashikako.