Mika 2:3 - Bibliya Yera 1951 1967 (Burundi)

³ Nuko rero, uku ni k’Uhoraho agize, ati Rāba, ivyo nanje nigereye n’icago nzotēza uyu muryango; kandi ntimuzocigobotora mu mazosi, canke ngo mugende muraritse agatwe; kuko kizoba ar’ igihe kibi.

Mika 2:3 Referans Kwoze

Amosi 5:13

Ni co gituma umunyamakenga apfa kwinumira mu gihe nk’ico, kukw ar’ igihe kibi.

Yeremiya 8:3

Kand’ amasigarira yose azoba asigaye kur’ uyu muryango mubi azohitamw’ urupfu kuruta kubaho, ni bo bazoba basigaye ahantu hose aho nzoba narabirukaniye, ni jewe Uhoraho Nyen’ ingabo mbivuze.

Yeremiya 18:11

Nuko rer’ ubarire abagabo b’i Buyuda n’ababa i Yerusalemu, ut’ Uku ni k’Uhoraho agize, at’ Ehe mbagereye ikibi, nīgīriye imigabo y’ivyo nzobagirira: enda ni mugaruke, umuntu wese ave mu nzira yiwe mbi, mutunganye inzira zanyu n’ ingeso zanyu.

Yakobo 2:13

Kuk’ urubanza rutagirira akagongwe ūtāgize akagongwe. Ariko mu rubanza ikigongwe kiratsinda.

GUCURA INTIMBA 5:5

Abaduhīga batuguye ku gakanu: Turarushe, ntitugira akito ko kuruhuka.

GUCURA INTIMBA 2:17

Uhoraho yakoze ico yagabiye; Yashikije ijambo ryiwe yashinze mu misi ya kera; Yagukubise hasi ata kagongwe; Yahaye umwansi kukwitamba hejuru, Yashize hejuru ihembe ry’ abarwanizi bawe.

Abanyefeso 5:16

mugura uburyo mubugwiza, kukw imisi ari mibi.

Abaroma 16:4

kandi bāhevye iyabo mitwe ko yocibga kugira ngo bakize amagara yanje. Si jewe jenyene mbashima, ariko n’amashengero yose yo mu banyamahanga arabashima.

Mika 2:1

Bazobona ibara, abīgerera ivyo kugabitanya, bakīgīra inama zo gukora ibibi bari ku mariri yabo; bgāca bakabikora, kuko bibashobokeye!

Amosi 2:14

Ūbangutse azobura ukw ahunga, n’umuhizi nta co ubuhizi bgiwe buzomumarira, n’intōre ntizoruha yikiza;

Daniyeli 4:37

Noneho jewe Nebukadineza nshima Umwami wo mw ijuru, ndamutazira, ndamwubaha; kukw ibikorwa vyiwe vyose ar’ ivy’ ukuri, kand’ inzira ziwe ar’ iziroranye; arikw abagendera mu bgibone ashobora kubacisha bugufi.

GUCURA INTIMBA 1:14

Ukuboko kwiwe kwamboheyekw ingōgo y’ibicumuro vyanje; Vyarasobekeranye, binshika mw izosi; yacobogoje inkomezi zanje: Umwami Imana yangabuye mu maboko y’abo ntashoboye kurindana na bo.

Yeremiya 43:2

Azariya mwene Hoshaya, na Yohanani mwene Kareya, n’abagabo b’abibone bose, babarira Yeremiya, bat’ Uvuze ibinyoma: Uhoraho Imana yacu ntiyagutumye kuvuga, ngo Ntituje muri Egiputa kubayo;

Yeremiya 36:23

Nuko Yehudi amaze gusoma impapuro zitatu canke zine, umwami awucagaguza imbugita, awuterera mu muriro wari mu coto, gushitsa ah’ umuzingo wose watemukiye mu muriro wo mu coto.

Yeremiya 34:17

Nuko rero, uku ni ko mvuze, jewe Uhoraho, nti Ntimwanyumviye, ngo mutange umwidegemvyo, ng’ umuntu wese arekure mwene wabo, umuntu wese arekure mugenzi we: nuko rero nanje ntanze umwidegemvyo kuri mwebge, ni jewe Uhoraho mbivuze, w’inkota n’ikīza n’inzara; kandi nzotuma mutererekanywa irya n’ino mu bihugu vy’ abami bose bo mw isi.

Yeremiya 27:12

Nuko mbarira Zedekiya umwami w’i Buyuda nk’ukw ayo majambo yose ameze, nti Ni mugondere izosi ingōgo y’umwami w’i Babuloni, mumusabe, musabe n’abantu biwe, mubone kubaho.

Yesaya 5:19

bakavuga, bati N’anyaruke, atebutse igikorwa ciwe tukirābe: kand’ imigabo y’Uwera w’Abisirayeli ni yīgire hafi ishike, kugira ngo tuyimenye!

Yesaya 3:16

Bitayeko Uhoraho aravuze, ngw Abakobga b’i Siyoni ko bībona, bakagenda bararitse amazosi n’amaso y’ubgēruzi, bakagenda bīkūmagura, bajegeza amayugi ku maguru:

Gusubira mu Vyagezwe 28:48

ni co kizotuma mukorera abansi banyu, abo Uhoraho azobagomorera kubatēra, mufise inzara n’inyota, mwambaye ubusa, muburaniwe muri vyose; azobambika ingōgo y’icuma mw izosi, gushitsa ah’ azobaherengetereza.

Amosi 3:1

Ni mwumve iri jambo Uhoraho abavuzeko, yemwe Bisirayeli, arivuze ku muryango wose yadūganye, awukūye mu gihugu ca Egiputa,

Amosi 3:2

ati Ni mwebge gusa twamenyanye mu miryango yose yo mw isi: ni co gituma nzobahanira ibigabitanyo vyanyu vyose.

Yesaya 29:20

Kuk’ umuntu w’agaterabgoba atituwe, n’umucokoranyi aheze, kand’ abatambira kugabitanya bose barahonnye,