Mika 1:11 - Bibliya Yera 1951 1967 (Burundi)

¹¹ Enda vayo wambaye ubusa utēterewe, wewe uba i Shafiri; ūba i Zanani ntaruha asokoroka; i Beti‐Ezeli hazorandurwa, hakūrwe ku matanguriro yaho.

Mika 1:11 Referans Kwoze

Yesaya 20:4

uko ni k’umwami w’i Ashuri azojana abo muri Egiputa ar’ inyagano, n’abangajwe bo muri Etiyopiya, abato n’abakuru, bazogenda bambaye ubusa batagira n’ inkweto, n’amatako yabo ar’ ubusa, bimāramāze Egiputa.

Nahumu 3:5

Ehe nzohigūra nawe, ni k’ Uhoraho Nyen’ ingabo agize; nzogukūrakw impuzu, mfate ku musozo ndenze ku mutwe wawe, nereke amahanga ubgambure bgawe, n’ibihugu ndavyereke ibiteye isoni vyawe,

Mika 1:8

Kubg’ ivyo nzorira mboroge, ngende nambaye ubusa, ata n’ inkweto: nzorira nk’imbgebge, mboroge nk’ igisīga citwa imbuni.

EZEKIYELI 23:29

na bo bazoguhanana urwanko, bakunyage ivyo waruhiye vyose, bagusige amēnya wambaye ubusa; kand’ ubgambure bg’ubumaka bgawe buzogaragazwa, ubushakanyi bgawe n’ubumaka bgawe vyompi.

EZEKIYELI 16:37

nuko rāba, nzokoraniriza abūzure bawe bose hamwe, ari bo bāguhimbara, bo n’abo wagomwa bose, hamwe n’abo wanka bose, nzobaguteranirizako baguturuke impande zose, maze ntwikurure ibiteye isoni vyawe, kugira ngo babibone vyose.

Yeremiya 48:9

Muhe Mowabu amababa, kugira ngo haguruke hīgīre: ibisagara vyaho bizocika amatongo, ata wukiriho wo kuhaba.

Yeremiya 48:6

Muhunge, mwunzūre amagara, mube nk’agasaka k’inkōkōre mu bugaragwa.

Yeremiya 13:22

Kandi ni wibaza mu mutima, uti N’iki gitumye mbonye aya? Umurengera w’ibigabitanyo vyawe ni wo watumye impuzu zawe zigukūrwako, ibitsintsiri vyawe bigasigara ar’ inkobe.

Yesaya 16:2

Kuko nk’ukw inyoni ziyerēra icāri gisambutse, ni kw abakobga b’i Mowabu bazomera ku vyambu vya Arunoni.

Yosuwa 15:37

Hāri na Senani na Hadasha na Migudali‐gadi,

Zekariya 14:5

Muzohunga muce mu ruhomoka rwo mu misozi yanje; kuk’ uruhomoka rwo mur’ iyo misozi ruzoshika no kuri Azeli: mbere muzohunga nk’uko mwāhunze hamwe isi yatigita ku ngoma ya Uziya umwami w’i Buyuda; maz’ Uhoraho Imana yanje azoza azananye n’abera bose.