Matayo 26:3 - Bibliya Yera 1951 1967 (Burundi)

³ Maz’ abaherezi bakuru n’abakuru b’ubgo bgoko bakoranira mu rugo rw’umuherezi mukuru yitwa Kayafa,

Bibiliya mu Kirundi coroshe

³ Uwo mwanya, abakuru b’abaherezi hamwe n’abakuru b’Abayuda, bakoranira mu rugo rw’umuherezi mukuru Kayafa,

Matayo 26:3 Referans Kwoze

Yohana 18:24

Nuko Anasi amurungika aboshwe kwa Kayafa umuherezi mukuru.

Mariko 14:54

Petero amuja inyuma barenga arenguka, ashika imbere mu rugo rw’umuherezi mukuru; yicarana n’abagendanyi yota umuriro.

Yohana 18:28

Bakūra Yesu kwa Kayafa, bamujana mw iboma: hāri mu mutwenzi. Arik’ ubgabo ntibinjira mw iboma, ngo boye kwihumanya, kugira ngo babone ingene barya Pasika.

Yohana 11:57

Kand’ abaherezi bakuru n’Abafarisayo bāri bashinze ng’ uwomenya ah’ ari aharange, ngo bamufate.

Yeremiya 17:27

Ariko ni mutanyumvira ngo muziririze umusi w’isabato, ngo mwoye kugira ico mwiremēka mugicana mu birimba vy’i Yerusalemu ku musi w’isabato, nuko nzodomeka umuriro mu birimba vyaho, uzotongora ingoro z’i Yerusalemu, kandi ntibazoruha bawuzimya.

Yeremiya 11:19

Ariko nari mmeze nk’umwagazi w’intama w’ikirīga ujanwa kubāgwa; sinari nzi yuko bampigiye imihigo, bat’ Enda turandurane igiti n’ivyo camye, tumukūre mw isi y’abakiriho, kugira ngw izina ryiwe ntiribe ricibukwa ukundi.

Zaburi 56:6

Barakorana, bakinyegeza, Bakagenza ibirenge vyanje, Kuko babundiye ubugingo bganje.

Luka 3:2

na Anasi na Kayafa ar’ abaherezi bakuru, mur’ uwo mwaka ijambo ry’Imana rishika kuri Yohana mwene Zakariya, ari mu bugaragwa.

Matayo 26:69

Ariko Petero yari yicaye hanze mu rugo. Incoreke iza ah’ ari, iti Nawe nyene mwari kumwe na Yesu Umunyagalilaya.

Matayo 27:27

Maz’ abasoda b’ico cēgēra ca Kayisari bajana Yesu mw iboma, bateraniriza ingabo zose kuri we.

Mariko 14:66

Petero akiri mu rugo ahahera hepfo, haza umwe mu ncoreke z’umuherezi mukuru,

Mariko 15:16

Maz’ abasoda bamujana imbere mu rugo, ari rwo boma, bahamagara ingabo zose, ziraterana.

Luka 22:55

Bacanye umuriro mu rugo hagati, bicaye hamwe, Petero yicara hagati muri bo.